Merkezê Îrtîbatî û Çapemenîye yê HPGyî derheqê hêrişê îşxalî yê dewleta tirke û çalakîyanê gerîlayan de aşkerayîye daye.

Eşkerayîye de ca dîya nînan:

''Hêzanê ma çarçewa Hemleya Şorişgêre ya Cengê Xabûrî de 12ê gulane de Qilê Şehîd Azadî yê warê Darerê yê herêma Metîna de vera îşxalkeran çalakîya sabotajî kerde. Na çalakîye de 2 îşxlakerî ameyî kiştene 1 zî birîndar bi.

Hêzanê Pawitişî yê Hewayî yê Şehîde Delale 11ê gulane de Metîna de vera îşxalkeranê ke Qilê Zendûra de ameyî cakerdene çalakîye kerde. Çalakîye de hedefî biîsabet ameyî pirodayene.

Artêşa tirke ya îşxalkere vera Herêmanê Pawitişî yê Medya pê helîkopter û teyarayanê şerî hêriş kerd. 11ê gulane de warê Werxelê yê herêma Avaşînî pê teyarayanê şerî çar reyî ame bombardumankerdene. 12ê gulane de warê Mervanosî yê herêma Avaşînî û Ciloyo Qij û warê Herfa Tyî yê  Zapî pê helîkopteran ameyî bombardumankerdene. Nê hêrişan de vînîbîyayeyê ma çîn ê.''