Roniştoxanê Kampa Multecîyan a Şehîd Rûstem Cûdîyî ya Mexmûrî bi eşkerayîyêke vera hêrişanê serê Şingalî nêrazîbîyayîşê xo mojna.

Endama Koordînasyonê Meclîsê Îştarî Pakîstane Bîlen eşkerayîye wende û îfade kerd ke seba çinkerdiş û qirkerdişê êzidîyan vera Şingalî hêrişî yenê kerdene. Bîlene vat: ''Ganî ma sey şarê kurdî pê na raştîye bihesê û mîyanê çalakîyan de bibê. Ganî ma tarîxê xo hol bişinasê û goreyê ci vera hêzanê serê şarê kurdî vindarnê. Ganî kurdî wayîrê Şingalî vejîyê, Şingalî têna meverdê.''