Fermandarê YPGyî Rojhat Karakoçan (Mehmet Gurbuz)o ke 16ê êlula 2022yî de hêrişê dewleta tirke de şerwan Dogan Amanosî (Mehmet akyol) reyde şehîd bibi, Kampa Multecîyan a Şehîd Rûstem Cûdîyî ya Mexmûrî de ame yadkerdene.

Merasîmê yadkerdişî deqayêkê rêzgirewtişî ra dima dest pêkerd. Dima mamosta Hisên Karayî derheqê têkoşîn û kesayetê Rojhat Karakoçanî de qisey kerd.

Karayî destpêkê qiseykerdişê xo de Roja Kobanê ya Dinya fîraz kerde û vist vîrî ke DAÎŞo ke Erdogan serkêşê ci yo, hetê şerwanan ra ameyo binvistene. Karayî vat: ''Embaz Karakoçanî vera DAÎŞî seba pawitişê şarê xo şer kerd. Ma şexsê ey de pêro şehîdanê xo yad kenê.''

Merasîm de derheqê Rojhat Karakoçanî de sînevîzyonêk ame mojnayene. Merasîm bi sloganan qedîya.