Ambargoyê serê Kampa Multecîyan a Şehîd Rustem Cûdî (Mexmûr) yo ke 72 rojan ra nata dewam keno pê çalakîya rayraşîyayîşî ame protestokerdene.

Bi hezaran kesî pê fotografanê Rayberê Şarê Kurdî Abdullah Ocalanî, flamayanê KJK, KCK'yî kampe de ameyî pêser û pê slogananê "Wa Biciwîyo Rayber Apo" û "Xoverdayîş cuye yo" hetê qezaya Mexmûrî ya Musulî rê şîyê. Dimayê rayraşîyayîşo ke heta bendê kontrolî yê leşkeranê Iraqî dewam kerd, îdarekaranê Meclîsê Şarî yê Demokratîkî yê Mexmûrî û selahîyetdaranê Iraqî reyde derheqê ambargoyî de pêvînayîşêk kerd. Hemserekê Meclîsê Şarî yê Demokratî yê Mexmûrî dimayê pêvînayîşî îzehetêk kerd: "Ma sernameyê şarê Mexmûrî selahîyetdaranê Iraqî reyde pêvînayîşêk kerd. Selahîyetdaran vat ke, wazenê hetkarîya ma bikê la seba ke mesele sîyasî yo nêeşkenê çîyêk bikê. Ma zî înan rê îfade kerd ke heta ke ambargo mêro wedaritene ma do çalakîya xo rê dewam bikê." Hetê bînî ra selahîyetdarê artêşa Iraqî îfade kerd ke şarê kampe rê do hetkarîye bikê.