Koyanê Botanî de Dr. Bêrîtan Tanya û Dr. Bawer Med bi serran o hem şer kenê hem zî embazanê xo derman kenê. Ê hem pê wezîfeyanê xo sereberz ê hem zî kenê ke kêmasî û bêîmkanîyan çareser bikerê.

Dr. Bêrîtan eslê xo de Bedlîsî ra yo la keyeyê ci tedaya dewlete ra neçare mendo ke koçê Îstanbulî bikero. Dr. Bêrîtan pê hesreta welatî beno pîl û tim asîmîlasyon û cîyakerîya dewlete hîs keno. Dr. Bêrîtan 2008 de tewrê gerîlayan beno û perwerdeyî ra dima beno doktor. Dr. Bêrîtan vano: ''Dadîya mi tim waştêne ke ez biba doktor. Mi hem xeyalê aye ard ca hem zî mi Qendîl, Xakurkê, Cîlo, Çarçela, Avaşîn, Zap de bi serran gerîlatîye kerde, tecrubeyî pêser kerdî.''

Dr. Bêrîtan 2018 ra dima derbazê Botanî beno. Pisporîya Dr. Bêrîtanî didanan ser a.

Dr. Bawer Med Gever de dadîya xo ra beno û uca de beno pîl. 2014 de bi tesîrê Şorişê Rojawanî o tewrê gerîlayan beno. Dr. Bawer Med vano: ''Mi armanc kerd ke seba dewaya Kurdîstanî bixebita. Ê rojan Kobanê de şer giran bi. Mi waştêne şora uca. Ewro Kurdîstan de kamca de rewşa sey ê çaxî biqewimîya ez reyna wazena şora uca. Pêro gerîlayî bi nê fikran ciwîyenê û şer kenê.''

Dr. Bawer Zap de perwerde vîneno dima Nêweşxaneyê Avaşînî de xizmet keno. O zî 2017 de derbazê Botanî beno.

Nê wird doktorî koyanê Botanî de hem ciwîyenê hem zî danê ciwîyayene. Ê armanc kenê ke embazanê xo rê cuyêka hîna manadare, rinde û sihetîne ver bidê. Wird doktorî zî nika koyanê Botanî de pê na hişmendîye erkê xo anê ca.

*No nuşte şehadetê ci ra verî hetê Jîyane Amargî ra ameye hedrekerdene.