Pêşmergeyê Dêrinî Osman Mihemed Êzidîyî semedê paştdayîşê xoverdayîşê şarê êzdîyan Şingal zîyaret kerd.

Mihemedo ke pê pîrozkerdişê Çarşeme Sor dest pê qiseykerdişî kerd û semedê wayrîvejîyayîşê xoverdayîşê Şingalî veng da.

Mihemedî vist vîrî ke tarîxê Kurdîstanî de zaf qirkerdişî estê û vat: ''Dewleta tirke nêwazena wa kurdî bibê yew.Coka wazena kurdan biverdo yewbîyanan. Dewleta tirke heme çîyano ke wazena bikerê, wazena pê destê PDKyî bîyaro ca.Têna hêrişê şarê êzidîyan nê hêrişê heme kurdan kena. Eke dewleta tirke çînêbo mabênê kurdan de problemî nêmanenê. Dewletê îşxalkerî, bitaybetî dewleta tirke wazenê şarê kurd sey bêhêz, bêpawitişî bimojnê. Hêzanê îşxalkeran xora dewro ravêrte de destûr nêda Kurdîstan bibo wayîrê statuyî, qewimîyayîşê Şingalî zî dewamê nê yo. Ez sey pêşmergeyê verênî veng dana PDK û pêşmergeyan: Wa ronişê bifikrîyê ke ê kamî reyde têgêrenê. Wa vindertişê vera  şarê xo qebul nêkerê.''