Fermandaranê HPGyî ra Rojger Serhedî bi wesîleya serrgêra Komployê 15ê Sibate yê vera Rayberê Şarê Kurdî Abdullah Ocalanî  ANFyî rê qisey kerd.

Rojger Serhedî ard ziwan ke Rayberê Şarê Kurdî  bi paradîmaya xo ya cuye komployo ke şexsê ci de şarê kurdî hedef girewt, betal kerd û nê vatî: ''Rayber Apo seba ke wayîrê şarê kurdî û herra ci bivejîyo, şarêko bin kewto û çînbîyayîş de rî bi rî mendo newera ganî kerd. Vera heme qewimîyayîşan hêzanê hegemonîkan ra hesab persa.  Bi paradîgmaya xo ya newî şaran rê bi hêvî. Dişmen seba ke zano her vateyê Rayber Apoyî semedê kurdan û şaranê bînan zaf muhîm o, resnayîşê ci asteng keno.  Rayberîya ma û şexsê ci de şarê kurdî çîn nêbi, akse ci de dahîna hêzdar bi. Felsefeya Rayberîya ma heme dinya ra vila bîye.''

Rojger Serheqî bale ante şerê giranî yê Herêmanê Pawitişî yê Medya ser û wina dewam kerd: ''Gerîlayan reyna mojna ke ê nêqedîyenê û bin nêkewnê. Wezîrê Karanê Zereyî yê Tirkî Suleyman Soylu vatêne ê do gerîlayan biqedînê. Soylu ho ça, qey nêeseno? Qey PKK nêqedîna? Ser nêkewtî û do ser mekewê.  Erdogan her roje vano 'Ma do biqedînê'. Çar serrî yo nêeşkeno biqedîno, çunke bi xo qedîyayo.  Her roje cenazayê leşkeran yenê. Xeylêk cenazayan zî nimnenê. Seba ke domanê înan bi pereyî leşkerê kerdêne keyeyî zî vengê xo nêvejenê. Pêkerdişê înan wina yo. La gerîlayî heme çalakîyanê xo qeyd kenê.

Têkoşînê gerîlayan semedê azadîya Rayberîye û şarê ci yê. Ma sey hêzanê gerîlayan wayîrê moral û motîvasyonê girdî yê. Nê şerî de verênîya psîkolojîke destê ma de ya. Çew nêeşkeno nê înkar bikero. Çunke xirbeyê artêşa tirke çiman ver de yê. Gerîlayî bikewê kamyew qilî ûca hêzanê dişmenî ra yeno pakkerdene.  Xora çalakîya peyêne zî ispatê nê ya.''