Fermandarîya Qerargehê Merkezê Pawitişê Şarî (MPŞ) bi wesîleya serrgêra Qirkerdişê Şingalî eşkerayîyêke daye. Eşkerayîye wina ya:

''Qirkerdişê vera şarê ma yê êzidîyan û Şingalî 9 serrî xo pey de verdayî. Dejê nê qirkerdişî sey ewroyî teze yê. Vera nê qirkerdişî hêverî embazanê ma Berxwedan, Dilgeş, Armanc û Gencoyî xo ver da. Embazê ma Mam Zekî, Seîd, Dijwar, Zerdeşt, Pîr Çeko, Hemîd, Bêrîvan Seîd û Rûsyarî zî pêro kesayetê xo da azadîya şarê ma û Şingalî û şehîd bîyî. Ma nînan bi rêzî yad kenê.

Ma xoverdayîşê embazanê xo Herekol, Egîd Civyan, Memo Mêrdîn, Nûjîn Êrs, Çeko Çatak û Şîlan Goyî selam kenê, şexsê înan de pêro şehîdan bi rêzî yad kenê û soz danê ke vîrameyîşê înan bi azadîya Kurdîstanî tacîdar bikerê. Nê fermandaranê ma vera DAÎŞî bi xurtî xo ver da, 8 rojan de 120 hezar şingalijî derbazê Rojawanî kerdî.  Xêrê jîhatî, cesaret û fedakarîya Apogîran ra şarê ma yê êzidîyan qirkerdişêkê pîlêrî ra xelisîya.

Bêguman tewirê israrê êzidîyan ê seba xoverdayîşî bi sebebê serkewtişî. Êzidîyanê kurdan rixmê bi desan fermanan zî qetî sereyê xo nêard war. Înan Rayber Apoyî ra îlham girewt, Koyanê Şingalî de qerardarîya xoverdayîşî daye. Vera pêro gef û tehlukeyan zî cinî, ciwanan û komelê êzidîyan Şingalî ra fek vera nêda û tewrê xoverdayîşî bîyî. Nê fedakarî, cesaret û qerardarîya êzidîyan layîqê sereberzî yê. Komelê ma yê êzidîyan 9 serrî yo nê tewirî ra fek vera nêda, bi xoverdayîş û têkoşînî serkêşîya YBŞ û YJŞyî de pêro dinya rê mojna ke vera pêro hêrişan ê wayîrê hêz û qerardarîya pawitişê Şingalî yê.

Bi na wesîle ma şarê xo yê xoverdayoxî yê êzidîyan, şerwan û fermandaranê YBŞ-YJŞyî yê ercîyayeyan selam kenê. Ma sey şorişgêranê Kurdîstanî û HPGyî pare kenê ke ma do hertim şarê xo yê mezlûmî reyde yê. Ma reyna şehîdanê xo bi rêz û minetî yad kenê. Ma do her şertî de bibê perwerê înan û armancanê înan bîyarê ca.''