Fermandarîya Qerargehî ya Merkezê Pawitişê Şarî (MPŞ) bi wesîleya Hewteyê Qehremanîye eşkerayîya nuştekîye daye.

Eşkerayîya Fermandarîye de nê ameyî parekerdene.

''Senî ke prosesê tarîxkî de zî yeno vînayene, heme şaranê ke azadîya xo waşte pê mucadeleyanê pîlan estbîyayîşê xo kerd qetî. Şaranê ke estbîyayîşê xo vetê werte pîya bi bedelanê ke dayî pê xoverdayîşê qehremananê xo resayî nê anorî. Semedê şarêkî cuya azade têna pê mucadeleyê qehremankî yena destfînayene. Şarê Kurdîstanî zî sey şaranê tewr qedîman ê merdimîye vera polîtîkayanê zulm û zextî heta bertengê çînbîyayîşî ame la Rayber Apo û mucadeleyo qehremankî yê Apoyîyan bingeyê estbîyayîşê xo kerd qetî û ver bi azadîye bi gamanê mehkeman aver şino.

Rojê ke şarê estbîyayîşê xo vete werte û kerd qetî sey Hewteyê Qehremanîye yeno îfadekerdene. Şarê ma tarîxanê 21-28ê adare de sey hewteyê qehremananê fedayîyayan yad keno. Hewteyê Qehremanîye mabenê rojanê ke Kawayê Hemdemî  Maxlûm Doganî çalakîya qehremankî kerd û rojanê şehadetê Egîdî (Mahsum Kormaz) ke Gabar de gerîlayî Kurdîstan de kerdî mende û serkewte îfade keno.

Xeta hemra Egîdî xeta serkewtişî ya

Bêşik o ke tewirê dîsîplîn, cesaret û qerararî yê xeta Rayberîye yê hemra Egîdî, fermandarê pîlî yê Hemleya 15ê Tebexe Bêhempa ya ke Roşanê Ganîbîyayîşê Şarê Kurdî ya, faktoro tewr pîl ê serkewtişê nê xoverdayîşî yo. Hemra Egîdî ke Kurdîstan de averberdişê têgêrayîşê gerîlan bi tewirê tewr xorîyî zerrî,mezg û ruhê xo de ciwîya û ci rê serkêşîye kerd bi nê tewirê xo yê qehremankî şarê kurdî çînbîyayîşî ra estbîyayîşî rê û helîyayîşî a ganîbîyayîşî rê kirişt û Kurdîstan de raştîya şarî ke semedê azadîya xo şer keno aferna. Coka fermandarê nê averberdişê tarîxkî hemra Egîd fermandarêko neteweyî yo raştikên ê şarê ma yo.

No fermandarê ma yo pîl 35 serrî verê cu damêka xayîne de ame şehîd bi ke no semedê şaranê Kurdîstan û Tirkîya vînîbîyayîşo pîl o. Partîya ma PKK ya ke her şehdetê muhîmî açarnena pîlkerdişê xoverdayîşî şehdetê fermandarê erjayeyî hemra Egîdî de eynî qeyde nêzdî bîye û artêşbîyayîşê gerîlayan Kurdîstan de aver berd û heta nê rojan ard. Fermandar Egîd sembolê gerîlatîye de israr, cesaret, qerardarîye û ruhê hêrişî yo. Xeta hemra Egîdî xeta gerîlayanê serkewteyan a. Mucadeleyê Azadîye yê Kurdîstanî ke bingeyê ruhê Egîdan o ke ma rê tim sey nimûne yo, de beno berz resayo merhaleya serkewtişî.

Dewrê ma yo ke şar û Mucadeleyê Azadîye yê Kurdîstanî her wextî zafêr hewceyê Egîdbîyayîşî yo de Gerîlayê Azadîye yê Kurdîstanî do bi ruhê Egîdan ver bi serkewtişî rayra şirê û waştişê qehremananê ma yê bêmergan bîyarê ca. Na çarçewe de gerîlayê HPGyî ke fedayîyê Rayber Apoyî yê bitaybetî demê peyênî de heme averşîyayîşanê derheqê Rayberîye ma de nêzdî ra teqîp kenê û vera nê prosesê hesasî semedê caardişê wezîfeyanê xo yê dewrî hazir pawenê.

Ma şexsê fermandarê xo yê bemêrgî hemra Egîdî de heme şehîdanê xo yad kenê û soz danê ke kulturê leşkerî yo ke Egîdan afernayo, qerardarîye û cesareto ke înan kiriştêne do tim rayîr bimojnê ma. Na çarçewe de ma Hewteyê Qehremanîye yê şarê xo û heme hemrayanê xo ke xeta Mazlûman û Egîdan de mucadele kenê reyna pîroz kenê.''