Fermandarîya Qerargehê Merkezê Pawitişê Şarî (MPŞ) fermandar û şerwanê ke Hemleyanê Cengê Xabûrî û Şehîd Savaş Maraşî bi mesajêkî fîraz kerdî.

Mesaj wina yo:

''Vera hêrişanê îşxalî yê artêşa tirke ya îşxalkere yê serê Herêmanê Pawitişî yê Medya gerîlayî bi taktîkanê zengînan û afernayoxan cewab danê û derbanê giranan danê dişmenî ro. Gerîlayê ke bi fedayîtî şer kenê, înan artêşa îşxalkere teng kerde û planê îşxalî xera kerdî. Artêşa îşxalkere coka kewte peyê hîrakerdişê waranê îşxalî. Artêşa îşxalkere şewa 25ê gulane de vera Zap û Meyîna hêrişê hîrayî kerdî. Hêzanê ma yê gerîlayan vera nê hêrişanê dişmenî bi Hemleyanê Şorişgêran ê Şehîd Savaş Maraşî û Cengê Xabûrî cewabêko tesîrîn da, netîce de zî îşxalkeran vîbîbîyayîşê giranî dayî. Hela verêna ke artêşa îşxalkere game eşte Waranê Xoverdayîşî yê Girê Hakkarî, Girê Cûdî û Girê FMyî tîmanê ma yê hereketînan vera hêzanê îşxalkeran çalakîyê serkewteyî kerdî.

29ê gulane de Warê Xoverdayîşî yê Girê Hekarî de, vera hêzanê artêşa faşîsta ke waştêne ver bi çeperanê şerî yê Girê Şehîd Akîfî şora, tîmanê ma yê hereketînan 2 baskan ra çalakîyêka serkewte kerde. Netîceya na çalakîye de dest nîya 1 çeka MPT-55 û malzemeyanê leşkerîyan ser, dîşmenî vînîbîyayîşê giranî dayî û gerîlayanê azadîye ancî ruhê hêrişî yo berz û westetîya taktîkî mojnaye yar û neyarî. Na çalakîya serkewte de embazê ma Sîyabendî bi ruhêkê berzî şer kerd, şi serê dişmenî, derbê giranî piro dayî û şehîd bi.

30ê gulane de vera dişmeno ke waştêne xo biresno Girê FMyî, çarçewa Hemleya Şorişgêre ya Şehîd Savaş Maraşî de timanê ma yê hereketînan çalakîyêka hêrişî ya serkewte kerde. Netîceya na çalakîye de embazê ma şîyî serê 10 cenazayanê dişmenî, dest na 3 çekanê MPT-55î û tay malzemeyanê leşkerî ser.

Ruhê hêrişî yo berz û metodê pirodayîşî yo netîcegîr ê tîmanê ma, layîqê wesfdayîşî yê. Sere de tîmanê ma tê hereketînanê ke vera dişmenî bi performansêkê serkewteyî çalakîyan kenê, ma fermandar û şerwananê ke tewrê nê çalakîyan bîyê fîraz kenê.

Embazê ma yê ke roja verêne ya hêrişanê dişmenî ra nata bi çêrî û qerardarîyêka pîle şer kerd û şehîd bîyî, ma înan bi rêzdarî û minetî yad kenê, soz danê şehîdanê xo yê çêran ke ma do qetî ser bikewê. Ma pê bawer ê ke Hemleyê Şorişgêrî yê Şehîd Savaş Maraşî û Cengê Xabûrî nika ra pey zî do bi serkewtişanê pîlan dewam bikerê. Embazê ke bi hawayêkê fedayîy şer kenê, ma înan bi heskerdiş û rêzî selam kenê û înan rê serkewtiş wazenê.''