Fermandarîya Qerarqahê Merkezê Pawitişê Şarî  (MPŞ) eşkerayîya nuştekîye daye û nê pare kerdî:

''11ê êlule de warê Masiro yê Şaxê Wanî de pêkewtişêk qewimîya. Pêkewtiş de Endamê Konseya Fermandarîya HPGyî û Fermandarê Warî yê Botanî Egîd Civyan (Vahdettin Karay), Canfeda Goyî (Tekîn Yildirim) û Hebûn Giresipî (Xelîl Kavus) şehîd bîyî. Ma sere de keyeyanê erjîyayeyan ê hemrayanê xo rê, şexsê şarê Gever û Botanî de şarê xo rê, hêzanê qehremanan ê gerîlayan û heme şarê Kurdîstanî rê serweşîye wazenê û sozê sekewtişî newe kenê.

Embaz Egîdî qerarêko tarîxî yê çalakî girewt û pîya bi gerîlayanê qehremanan bi ruhê fedayî şiyî merkezê kontrolî yê dişmenî ser. Çalakîya ke şefeqê sibayî de dest pê kerde de 5ê înan payeberzî 10 înan qetî xeylêk leşkerî ameyî cezakerdene. Bi hêrişê hewayî yê dişmenî pêkewtişî bîyî xorî. Na çalakîya tarîxî de embezê ma Fermandar Egîd Cîvyan, fermandarê takimî Canfeda Goyî û Hebûn Girêsipî bi têkoşînê qehremankî  tewrê kerwanê şehîdan bîyî. Şehdatê Canfeda Goyî û Hebûn Girêsipî verî hetê HPGyî ra amebi eşkerakerdene. Dima ke detayê hîrayî kewtê destê ma şehadetê hemra Egîdî bi zelal.

Nameyê Qodî: Egîd Civyan Name û Peyname: Vahdettîn Karay Cayê Bîyayîşî: Colemêrg Maye-Pî: Hatîce - Sadûllah Tarîx û Cayê Şehadetî: 11ê Êlula 2020 / Botan

Hemra Egîd Cîvyano ke bi ruhê welatperwerîye dekerdebi Gever ra bi û Unîversîteya Uludagî de felsefeyê Rayber Apoyî nas kerde. Hemra Egîdî 1995 de semedê azadîya Kurdîstanî unîversîte ra verê xo da koyanê azadan û 26 serrî cepheyanê verênan de têkoşîn kerd. Embaz Egîdî ke Zagros û Botanî ra heta Çarçela û Kato Jîrka de sey fermandarî têkoşîn rayra berd, rolê muhîmî kay kerdî. Wextê peyseragerayîşî yê 2013yî de Herêmanê Pawtişê Medya semedê averberdişê gerîlatîye karê pewerdeyî rayra berdî. Hela ke DAÎŞî 3ê tebax a 2014î de eşt Şingalî ser, hêzê ke semedê paştîdayîşî şîyî Şingal înan rê fermandarîye kerde. Hemra Egîdî operasyonê xelisnayîşê şarê êzidî de rolêko tarîxî kay kerd û şarê ma wehşetê DAÎŞî ra xelisna. Bitaybetî gama ke şarê ma vêşan-teşan Koyê Şingalî de mendbi nê rojanê krîtîkan de semedê pawitişê şarî û akerdişê korîdorê Rojawanî zaf xîret kerd û 150 kesî xeslinayî resnayî Rojawanî. Hemra Egîdî  ke 3 serrî Şingal de fermandarî kerde, xelisnayîşê heme Şingalî de rolêko pîl kay kerd û wezîfeyê xo bi serkewtiş ard ca.

Hemra Egîdî hamnanê 2018î de sey fermandarê eyalet û warî verê xo da Botan û  xeta Fermandarê Pîlî Egîd (Mahsum Korkmaz) de  bi pratîkê xo egîdbîyayîşê xo vetê werte. Vindertişo fedayî yo ke xeta Egîd û Zîlanan de çalakîya peyêne de ramojna semedê ma pêrune nimûneyêk o. Şarê Geverî ke fermandarê erjîyayeyî sey fermadaranê Welat Herinkî, Beçeme Cîlo, Rizgar Gever û Têkoşer Gever bi seyan fedayî û fermandarî mîyanê ci ra vejîyayî nika yewna ewladê xo yê egîdî tewrê kerwanî kerd. Seba ke şerwan û fermandaranê winayênan de ma hemrayîye kerde, ma sereberz ê. Şarê Gever, Şirnex, Qileban, Girê Sipî û heme şarê ma çend pê nê qehremanan seberz bo zî tay o. Ma soz danê emazanê xo ke ma do waştişê înan biresnê serkewtişî.''