Fermandarîya Qerargehî ya Merkezê Pawitişê Şarî (MPŞ) Roşanê Newroze yê pêro gerîlayan fîraz kerd û no mesaj erşawit:

''Ma dekewtî Gelîya Nînowa û adirê Newroze û adirê Newroze vurna adirê serkewtiş û serfîrazî. Nê Garê de dest pêkerd. Ewro herinda Dehaqî de rejîmo faşîst ê AKP-MHPyî esto. Ewro reyna merdimîye vera nê zulmî hewcedarîya yewîya şaran a.

Ma prosesêkê girîngî de Newroza 2021î pêşwazî kerde. Dewleta tirke pê pêro îmkananê xo hêrişê gerîlayan kena la nêeşkena netîceyêke bivisna destî. Binkewtşê înan ê Garê zî îsbatê ney o.

Garê de dewleta tirke derbêka pîle werde. Garê de vera nê xoverdayîşê gerîlayan îmajê dewleta tirke rijîya. Xoverdayîşê Garê rîyo raştikên ê kolonyalîzmê tirkan vet werte. Xoverdayîşê Garê mojna ke ê do vera îradeyê gerîlayan nêeşkenê payan ser o vinderê. Hînî pêro kesî rewşa Tirkîya sey 'Garê ra verî û Garê ra dima' ercnenê.

Xoverdayîşê Garê hem hetê sîyasî ra hem zî hetê leşkerî ra netîceyî dayî. Krîzê dişmenî bîyî xorinêr, moralê ci xeripîya û meseleyî ci zêdînayî.

Newe ra awanbîyayîş 3 serrî yo rojdemê ma de yo. Eke ma nê prosesî raşta zî pratîze bikerê, gerîlatîya newîye bivisnê dewre, ma eşkenê cewabê pêro hêrişanê dişmenî bidê. Xoverdayîşê Garê na raştîye vete werte. Îmkanê ma yê serkewtişî zêdêr ê.

Tecrîdê vera Rayber Apoyî hînî ma û şarê ma de tehamul nêverda. Seba ke ma bibê cewabê pawitişanê Rayber Apoyî, hêsîranê dadîyan ganî ma nê prosesê tarîxîyî de ser bikewê.

Serra 2021î ma rê zaf girîng a. Çunke nika ê wazenê emrê îqtîdarê xo derg bikerê û vera ma tay serkewtişan bivisnê destî. No zî ancax pê şerî beno. Ma zî hînî wazenê nê prosesî de azadîya Rayber Apoyî bîyarê ca û peynîya nê rejîmê faşîstî bîyarê.

Seba ke ma Herêmanê Pawitişî yê Medya û herêmanê bînan de cewabê gefanê kolonyalîstan bidê ma her wextî ra zêdêr amade yê. Na çarçewe de ma wazenê bala xo zêdêr bidê Hewteyê Çêrîye û bingeyê hemleyêka tarîxî bierzê.''