Fermandarîya Qerargehê Merkezê Pawitişê Şarî (MPŞ) bi wesîleya Menga Gulane eşkereyîye daye û nê pare kerdî:

''1ê Gulane de Abdullkadir Çubukçu Lubnan de, Fermandarê eyalatê Garzanî Ramazan Kaplan (Celal Hoca) û embazê ci, 2ê Gulane de Fermandarê ma yo verên Mehmet Karasungur û Îbrahîm Bîlgîn û fermandarê ma Azad Sîser û Çekdar Amed, 6ê gulane de Deniz Gezmiş, Yusuf Aslan û Huseyin Înan, 9ê gulane mîlîtanê PJAKî Ferzad Kemanger, Şîrîne Elemhulî, Elî Heyderîyan û Ferhad Vekîl, 11ê gulan e de Gurbete Aydin (Mizgîne), 16ê gulane de Hewlêr de hemrayî Hêlîne, Salîh û Ozanî ya pa bi desan hemrayanê ma, 18ê gulane de Ferhat Kurtay, Eşref Anyik, Mahmut Zengin, Necmi Oner û raybero şorişgêr Îbrahîm Kaypakkaya, 19ê gulane de Halîl Çavgun û Muslum Baran, 22ê gulane de herêma Çêrme ya Çewlîgî de 16 embazê pê çeka kîmyewîye, 31ê gulane de nameyanê serkêşan ê şorişgêranê Tirkîya ra Sînan Cemgîl û embazê ci tewrê kerewanê şehîdan bîyî. Menga Gulane de bi hezaran qehremanî şehîd bîyî. Serrgêra 45. ya şehîdetê ci de  ma şexsê hemra Hakî Karerî de heme şehîdanê şorişî bi hurmet yad kenê û soz danê ke ma do têkoşînê şehîdanê xo bi serkewtişî tacîdar bikerê.

Partîya ma PKK sey Partîya Şehîdan xeta şehîdan de heta rewro ameye. Famkerdişê PKKyî bi famkerdişê raştîya şehîdan û goreyê heqîqetî ciwîyayîşî mumkun o. Modernîteya kemalîste bi hêrişanê xo kena ke şarê kurdî ziwan, nasname, kultur û tarîxê ci ra raqilno.  Pîya bi xeylêk qirkerdişanê vera kurdan qirkerdişê kulturkî zî yeno reyraberdene. Şerêko estbîyayîş û çînbîyayîşê ci ameyêne muneqeşekerdene xeyrê têkoşînê şehîdanê xo heta ewro ame. Her qala ke bi nameyê kurd û Kurdîstanî yena vatene û bingeyê heme ercanê ma de keda şehîdanê ma est a. Eke şarê kurdî ewro estbîyayîşê xo kerd qetî, vera înkarî têkoşîno keno û ver bi azadîye rayra şino û nameyê kurdî û Kurdîstanî sereberz şuxulneno, no serkewtiş xeyrê şehîdanê ma yê bêmergan fînayo dest. Yew dewa pê şehîdanê fedayîyan resena serkewtişî. Şarê Kurdîstanî ewro xeyrê şehîdanê xo yê sînayeyan pê gamanê pêtan ver bi azadîye şino. Şarê ma zî tim wayîrê şehîdanê xo vejîyeno. Raştîya şehadetan ramojnena ke dewaya azadîye hende erjaye ya ke semedê ci yeno merdene. Ma zî do qerardar têkoşînê şehîdanê xo bidê domnayene.

Artêşa Şehîdan ê Bêmergan ê PKKyî çend şino xurtêr bena. Nê destanê qehremanîye ke hetê gerîlayan ra yenê nuştene do ma biresnê serewktişî. Menga Şehîdan a 46. de sere de Zap û Avaşîn her cayê Kurdîstanî de embazê ma bi hewayêkê qehremankî şer kenê û tewrê kerwanê şehîdan benê. Heta ke ewladê fedayîyî yê şarê  Kurdîstanî yê wina jîhat, bêters bibê dewaya azadîye do çirey vîn mekero û muhaqeq ser bikewo. Ma sey Hêzê Pawitişî yê Şarê Kurdîstanî ke serkêşîya Partîya Şehîdan PKKyî de şer kenê, ma do  xeta şehîdan de rayraşîyayîşê xo yê Rayberîya Azade û Kurdîstanê Azadî pîlêr bikerê.''