Fermandarîya Qerargehê Merkezê Pawitişê Şarî (MPŞ) bi wesîleya serrgêra 18. ya Hemleya 1ê Hezîrane eşkerayîyêke daye. Eşkerayîye wina ya:

''Hemleya 1ê Hezîrane ya ke vera konseptê tasfîye yê Komployê Mîyanneteweyî serkêşîya gerîlayanê azadîye de dîyabi destpêkerdene, ma serrgêra ci ya 18 sere de Rayber Apoyî rê, şehîdanê ma rê, şarê ma yê welatperwerî rê, merdimîya demokratîke rê û pêro embazan rê fîraz kenê. Ma sere de embazan Mahîr Dêrsim, Kendal Baz, Huseyîn, Silav, Têkoşîn, Nûcane û Seyîd Rizayî afernayoxanê nê ruhê 1ê Hezîrane Serxwebûn, Adil, Nuda, Sîdar, Dicle Afrin, Simko Rojhilat, Gelhat, Reşit Serdar, Rojîn Gewda  û şehîdanê Zapî Mizgîne Ronahî, Şaristane, Rohat, Şevîne, Vîyane û Mahîr Mazlumî bi rêzdarî û minetî yad kenê; ma soz danê ke armancê înan Rayberîya azade û Kurdîstanê Azadî awan bikerê.

Seba ke Rayberê ma wayîrê merdimanê azadan vejîyayêne û nasnameyê PKKyî de zî no wayîrvejîyîş sey karakterêkî est bi Rayberê ma bi Komployê Mîyanneteweyî ame esîrkerdene û nê serranê esaretan de komplo vera ame vilakerdene. Sîstem seba ke raştîya rayberîye û PKKyî de wayîrvejîyayîşê nasnameyê xo karakterêko azadîgîr o sîstem înan qebul nêkeno. Sîstem sey vizêrî ewro zî vera na raştîye, îmha, tasfîye û qirkerdişî ferz keno. 15ê Sibata 1999î de tarîxê merdimîye pêkewtişêko tewr bêeman dî. Hêzanê hegemonan ê modernîteya kapîtalîste bi gardîyanîya dewleta tirke waşt ke sîstemê îradeyê merdimanê azadan ra qesasê xo bigêrê. La partîya ma rojanê tewr zehmetan ê partîya ma de zî hemleyî kerdî û dişmen şaş kerd. Ê wextî de ke her kesî vatêne partîye qedîyaya Rayberîye hemleyê sîsyasî, leşkerî, îdeolojîk û dîplomatîkî bi hawayêkê tesîrî kerdî.

Hêzê ma yê gerîlayan xoapeyantişê 1999î ra dima heta 1ê hezîrana 2004î de pozîsyonê adirbirnayîşî de mendî û seba çareserîya demokratîke ya meseleya kurdan zemînêk awan kerd. La dewleta kolonyalîste waşt ke nê prosesî seba tasfîyeya têgêrayîşê ma bişuxilna. Vera konseptê tasfîye zî bira Hemleya 1ê Hezîrane ameye girewtene. Rayberîya ma nê prosesî de seba ke Komployê Mîyanneteweyî û cerganê ci yê zereyî bişikna zaf xîret kerd. Rayberîya ma bi kitabê 'Pawitişê Şarêkî' manîfestoyê pawitişê şarî mojna ma, hêzê gerîlayan zî caardişê pawitişê şarî û xeta azadîye de wezîfedar kerdî. Coka Hemleya 1ê Hezîrane hem hemleyêka leşkerî hem zî hemleyêka îdeolojîk a. Bi Hemleya 1ê Hezîrane tasfîyekerîye ameye tasfîyekerdene.

Wa nêro vîrakerdene ke Kurdîstan de bê gerîlayan çîyêk nêkeweno destî. Heta heqê cuye yê şarê ma zî yeno xespkerdene. Kurdîstan de şer weçînayîşêkî ra zêdêr mejbûrî yo. Eke ma wazenê bi nasnameyê xo biciwîyê û welatê xo de bibê wayîrê statuyî ganî ma şer bikerê. Naye ra ber yew weçînayîşêk çin o; eqsê ci teslîmîye û bêrûmetîye ya. Nê hetî ra Hemleya 1ê Hezîrane xeta Rayberîye de israr û cuya azade ya. Hemleya 1ê Hezîrane reyde komplo û tasfîyekerîye ameyî pûçkerdene, hêzanê ma yê gerîlayan hîna bi profesyonelî şer kerd. 2004 ra dima zî têkoşînê gerîlayan dewam kerd, polîtîkayê şerî yê dewlete ameyî pûçkerdene û binvistene.  1ê Hezîrana 2020î de zî têkoşînê ma esasê Stratejîya Şerê Şarî yê Şorişgêrî de kewt safhayêka newîye. Eşkera yo ke ruhê îlhamî yo tewr pîl ê Şerê Şarî yê Şorişgêrî Hemleya 1ê Hezîrane ya. Nê esasî ser o gerîlayê azadîye û şarê ma vera xeta Komployê Mîyanneteweyî ewro zî bi ruhê Hemleya 1ê Hezîrane têkoşîn kenê û xoverdayîşê xo rê dewam kenê.

Ewro zere de Zap, Avaşîn û Metîna de pêro Kurdîstan de şerê mendiş û mergî yeno dayene. Gerîlayê ma bi ruhê Hemleya 1ê Hezîrane Vakurî ra heta Başûrî  vera dişmenî şerê fedayî yê bêhemparî kenê. 1ê hezîrana 2022yî de ruho Apogîr do ser bikewo û Rayberîya ma, şarê ma û embazanê ma rê nê serkewtişê pîlî do dîyarîye bikero. Gerîlayê Azadîya Kurdîstanî yê ke temînatê serfîrazî û xeta Rayberîye yê, sey vizêrî ewro zî amade yê ke seba cuya azade û rûmetêne pêro bedelan bidê. Gerîlayê ke pê operasyonanê şorişgêran û çalakîyanê xo reyna serfîrazîya xo eşkera kerde, bi coş û moralêkê pîlî serra 19. ya Hemleya 1ê Hezîrane pêşwazî kenê. Serfîrazîye do biba yê gerîlayan û şarê ma ke bi ruhê Hemleya 1ê Hezîrane têkoşîn kenê.

Nê esasî ser o ma serrgêra 18. ya Hemleya 1ê Hezîrane reyna şarê xo, dostanê xo û embazanê xo rê fîraz kenê. Ma serra 19. ya Hemleya 1ê Hezîrane de pêro şerwananê azadîye, şarê ma û hêzanê têkoşînî rê serkewtişî wazenê.''