Fermandarîya Qerargehê Merkezê Pawitişê Şarî (MPŞ) bi eşkerayîyêke serrgêra 45. ya ronîyayîşê PKKyî fîraz kerde. Eşkerayîye wina ya:

''PKK û têgêrayîşê azadîye yê ke hetê Rayber Apoyî ra dîyarîya merdimatîye ameybî kerdene, serrgêra 45. ya ronîyayîşê xo fîraz kenê. Partîya ma PKK seba şarê Kurdîstanî mîladêk o û seba pêro bindestan bi hêvî. PKKyî şarê ma qirkerdişî ra xelisna. Şarê ma bi têkoşînê Rayber Apoyî newe ra dadîya xo ra bi. Şehîdanê ma yê fedayîyan partîya ma timm pawite. Xoverdayîşê PKKyî erjanê şehîdanê ma yê bêmergan ser o ame afernayene, sînorê Kurdîstanî derbaz kerdî û hêvîya ameyoxê azadî xurt kerde.

Ruhê xoverdayîş û serkewtişî yê PKKyî şexsê gerîlayan û şarê ma de geş bi. Têkoşînê gerîlayan rayîr nêda îşxalkera û mîrasê PKKyî pawit. Dewleta tirke hêrişanê xo yê teknîk û kîmyewîyan ra nêeşkaye netîceyêke bigêra. Gerîlayanê azadîye yê Kurdîstanî vera nê hêrişanê ke sûcê şerî yê, xoverdayîşêko biheybet kerd. Ewro zî gerîlayî Herêmanê Pawitişî yê Medya de bi ruhê PKKyî yê Rayber Apoyî şer kenê û kenê ke ameyoxê şarê ma yê azadî awan bikerê.

Mîrasê têkoşînî yê PKKyî yo ke bi Hakî Kareran û Xoverdayîşê Zîndanê Amedî aferîya, bi Fermandar Egîdan û Bêrîtanan dewam kerd û bi fedayîtîya Zîlanan geş bi. Embazê ma Leyla Amed, Yaşar Botan, Axîn Mûş Gabar, Delîla Goyî, Sila Faraşîn, Ronahî Penaber, Koçer Dogan, Raperîn Botan, Fîraz Zîlan, Egîd Cûdî, Asya Kanîreş, Azad Şerger, Rojbîn Dêrsim, Hêjar Zozan, Canşêr Maku, Dilşêr Çiyareş, Elîşêr Întikam, Xemgîn Serhed, Rêdûr Sîser, Ardem Ararat, Dilgeş Zîlan Gûzêreş, Devrîm Garzan, Destan Botan, Dîcle Eylem, Bêrîtan Sîser, Rojda Mahîr ala Mûnzur Dêman, Mahîr Başkale, Rozerîn Şemzînan, Doga Viyan, Andok Adil, Ciwan Welat, Botan Raperîn û Egîd Kobanê berz kerde. Înan îsbat kerd ke partîya şehîdan PKK do qetî bin nêkewo. Têkoşînê ma bi Rojhat Zîlan û Erdal Şahînî derbê giranî dayî dişmenî ro. Hêzê Pawitişê Şarê Kurdîstanî xeta şehîdan de şinê, metodê Apogîran ra tawîz nêdanê û do qetî têkoşînê estbîyayîş û azadîye yê şarê ma ver bi serkewtişî berê.

Ma serra 51. ya têkoşînî ya Rayber Apoyî û serrgêra 45. ya ronîyayîşê PKKyî fîraz kenê. Ma soz danê ke heta armancê serkewtişî yê şehîdan bîyarê ca, xeta fedayîye de do bêmabên têkoşîn bikerê. Ma na serra newîye de her keso ke zerrîya înan hetê PKKyî de ya, rê serkewtişê pîlî wazenê.''