Fermandarîya Qerargehê Merkezê Pawitişê Şarî (MPŞ) bi eşkerayîyêke Hemleya 1ê Hezîrane fîraz kerde. Eşkerayîye wina ya:

''Serrgêra vîstine ya Hemleya 1ê Gezîrane sere de Rayber Apoyî rê, Mayanê Şemeyî rê, keyeyanê şehîdan rê, dostan û embazanê ma rê û şexsê welatperwer Mehmet Yildirimî de şarê ma yê welatperwerî rê fîraz ba. Hemleya 1ê Hezîrane seba têkoşînê ma hemleyêka tarîxî bîye. Şexsê fermandaranê serkêşan ê Hemleya 1ê Hezîrane  Erdal, Huseyîn Mahîr, Adil, Çîçek, Nûda, Rojîn Gewda, Reşît Serdar, Mehmet Goyî, Atakan Mahîr, Delal Amed, Fazil Botan û Leyla Sorxwîn Amed de, şexsê fermandaranê şehîdan ê dewrê têkoşînî yê neweyî Doga Memyan, Ciwan, Andok, Huseyîn, Welat, Serxwebûn, Rizgar, Şervan, Canşêr, Ekîn Hewrê Çiya de ma pêro şehîdanê xo bi minet û heskerdişî yad kenê.

Komployê Mîyanneteweyî yê 15ê Sibata 1999î ra dima şexsê Rayber Apoyî de seba qedînayîşê Têgêrayîşê Azadîye konseptêk visîyabi dewre. Rayber Apoyî bi awankerdişê Paradîgmaya Demokratîke, Ekolojîke û Azadîgîra Cinîyan cewabo tewr pîl da komplogeran. Rayber Apoyî bi na paradîgma prosesê çareserîye zî awan kerd û panc serrî bê şerî derbaz bîyî. La rixmê xîretanê Rayber Apoyî zî dewleta tirke şer de israr kerd. Têgêrayîşê ma naye ser o 2004 de Hemleya 1ê Hezîrane daye destpêkerdene ke na hemle yena manaya Hemleya 15ê Tebaxe ya Diyîne. Bi na hemle cewabê komplogeran û tasfîyegeran zî dîya. 

Roja destpêke ya Hemleya 1ê Hezîrane ra nata têkoşînêko bêhempa yeno kerdene û armancê dewleta tirke ya qirkere yenê pûçkerdene. Bi na hemle ame dîyene ke Kurdîstan de heta ke hetê îdeolojîk, rêxistinî, kulturel, sîyasî, komelkî û têkoşînê çekdarî ra têkoşînêko bêeman nêro kerdene îmkanê cuya azade do nêrê destvistene û hêrişê qirkerdişî nêqedê.

Hêzê komplogerî hema zî xayînanê hemkaran reyde hêrişê qirkerdiş û îşxalî kenê. Têgêrayîşê ma û şarê ma bi hawayêkê yekpareyî dormeyê xeta Apogîre de kom bîyî û rixmê zehmetîyan zî têkoşînê bêteredutî kenê. 

Gerîlayê Azadîye yê Kurdîstanî bingeyê Şerê Şarî yê Şorişgêrî de şexsê Sara Goyî, Rûkene Zelal, Rojhat Zîlan û Erdal Şahînî de xeta bêmexlube ya PKKyî eşkera kenê, erdê Kurdîstanî bi fedayîtî pawenê û serrgêra Hemleya 1ê Hezîrane bi xurtî pêşwazî kenê. Seba azadîya şarê ma, Şerê Şarî yê Şorişgêrî de ma do mesuldarîya xo bi têkoşînê fedayîtî yê xeta Apogîre bîyarê ca. Ma wayîrê nê hêz û mesuldarî yê. Nê esasî ser o ma serrgêra Hemleya 1ê Hezîrane ancî fîraz kenê.''