Fermandarîya Qerargehê Merkezê Pawitişê Şarî (MPŞ) pê eşkerayîya nuştekîye çalakîyê ke semedê  selamkerdişê Hemleya 15ê Tebexe ameyî kerdene, pîroz kerdî.

Eşkerayîye de nê ameyî vatene:

''Gerîlayanê Azadîye yê Kurdîstanî semedê selamkerdişê  Hemleya 15ê Tebaxe çalakîyê bitesîrî kerdî. Bi ruhê xoverdayîşê fermandarê ma yê pîlî Egîdî 6ê tebaxe de Şemzînan de, 10ê tebaxe Elkê de, 11ê tebaxe Heftanîn de,  12ê tebaxe de Metîna de, 13ê tebaxe Avaşîn de û 14ê tebaxe de Metîna de çalkîyê xurtî ameyî kerdene û bidesan îşxalkerî ameyî kiştene.

Hêzê ma her ca de pê tempoya berze çalakîyanê afernayoxan kenê û performansê xo yê berzî ramojnenê û resmê Gerîlatîya Modernîteya Demokratîke xêz kenê. Çalakîyê ke semedê selamkerdişê Hemleya 15ê Tebaxe yenê kerdene darbanê pîldan danê sîstemê qirkerî ro. Gerîlayê azadîye bi çalakîyanê xo yê serkewteyan ramojnenê ke ê do çirey rayraşîyayîşê azadîye yê xeta serkewtişî yê Egîdî ra peyser game meerzê. Coka nê çalakîyî wayîrê manaya tarîxîyî yê.

Na çarçewe de ma gerîlayê ke tewrê çalakîyanê Şemzînan, Botan, Heftanîn, Metîna û waranê Girê Sorî û Werxelê yê Avaşînî bîyî ma înan û heme hemrayanê xo yê ke keda înan teda esta selam kenê, semedê nê serkewtişî înan pîroz kenê û dewamê serkewtişê înan wazenê.''