Fermandarîya Qerargehê Merkezê Pawitişê Şarî (MPŞ) seba gerîlayan mesajê fîrazkerdişî weşana. Mesaj wina yo:

''Wexto ke merdim bala xo dano agahîyanê ke hêzanê ma her hewte danê û çalakîyanê înan, fam keno ke hetê caardişê rayîr û metodanê gerîlatîya dewrê neweyî ra astêka girînge visîyaya destî. Bi ruhê hêrişî yê berzî, bi aqîlaneyî, çêrî û tûjî;

- 31ê gulane de herêma Besta ya Botanî de bi westatî û hesasîyetê pîlî qoricîyî ameyî hişyarkerdene û astengkerdene. Dima zî têna dîya dişmenî ro û dişmen ame cezakerdene.

- 4ê hezîrane de qezaya Şaxî ya Wanî de bi taktîkê suîkastî dîya îşxalkeranê qereqolê Tingî û 2 îşxalkerî ameyî cezakerdene.

- 8 û 9ê hezîrane de Waranê Xoverdayîşî yê Şehîd Şahîn û Karkerî de bi çalakîyanê sûîkastan ê serkewteyan xeylêk îşxalkerî ameyî cezakerdene.

- 9ê hezîrane de herêma Metîna de Girê Ortê de hetê hêzanê YJA-Starî ra 4 îşxalkerî ameyî cezakerdene û 5 îşxalkerî birîndar bîyî.

- 1ê hezîrane de Warê Xoverdayîşî yê Girê FMyî de bi suîkastî û taktîkê hêrişî 4 îşxalkerî ameyî cezakerdene.

- 10 û 11ê hezîrane de rixmo ke îşxalkeran bi bombardumanêk waşt Dola Şîvê de aver şorê, hêzanê ma verê înan girewt. Tîya de 6 îşxalkerî ameyî cezakerdene û droneyêk ame warardene.

- 11ê hezîrane de Warê Xoverdayîşî yê Karkerî de bi di taktîkanê sabotajî 5 îşxalkerî ameyî cezakerdene û 2 îşxalkerî zî birîndar bîyî.

- 12, 13, 15 û 16ê hezîrane de Warê Xoverdayîşî yê Karkerî de bi suîkastî îşxalkerî ameyî cezakerdene.

- 13ê hezîrane de Warê Xoverdayîşî yê Girê FMyî de çalakîyanê sereştiş û suîkastî yê koordîneyan de 10 îşxalkerî îşxalkerî ameyî cezakerdene û sîstemêkê radarî ame îmhakerdene.

- 14ê hezîrane de warê Mervanosî yê Avaşînî de çalakîya bikoordîne de 5 îşxalkerî ameyî cezakerdene, 2 termal û sîstemêkê mobese ameyî îmhakerdene.

- 15 û 16ê hezîrane de dişmenî waşt Warê Xoverdayîşî yê Girê Cûdîyî de aver şoro Operasyonê Qesasî yê Şorişgêrî de bi taktîkanê westatîyan ame pirodayene. Tîya de 57 kontra û îşxalkerî ameyî cezakerdene. Nê çalakîyî çalakîyanê serkewteyan ra vejîyayî vernî.

Serê esasê Hemleyanê Şorişgêran ê Şehîd Şervan-Şehîde Diljîne-Egîdanê Botanî-Bazanê Zagrosî-Cengê Xabûrî--Şehîd Savaş Maraşî de, embazê ma her roje bi afernayoxî, bi metodê pirodayîşî û tempoyêkê berzî çalakîyan kenê. Bi taybetî vera dişmeno ke wazeno Zap, Avaşîn û Metîna îşxal bikero, her roje derbe dîyena, faturaya sûcê îşxalkerî tim birîyena û cezaya ci dîyena.Yar û neyarî her kesî dî ke îşxalê Kurdîstanî hende rehet nîyo.

Zerrîya şarê ma û dostanê ma bi xoverdayîşê gerîlayan gulp dana, bi çalakîyanê serkewteyan ê embazanê ma, bi moral û hêvî de bena. Nê esasî ser o dewleta tirke ra do hesab bêro persayene ke Bamernê û Şingal de domanê bêguneyî yê şarê kurdî qetil kerdî, heyfê şarê ma do erdî de nêro verdayene. Reyna eşkera bi ke gerîlayî pawitoxê raştikênî yê Kurdîstanî û erjanê şarê kurdî yê.

Tîmê hereketînî yê ke nê çalakîyan kenê, embazê ke bi îradeyê pîlî tunelanê şerî de şer kenê, pêro fermandar û şerwanê ke nê çalakîyan de kedê înan est a, ma înan ruhê hêrişî yê berzî, metodê pirodayîşî û taktîkanê gerîlayan ê afernayoan ra fîraz kenê.

Ma pê bawer ê ke Hemleya Şorişgêre do bi çalakîyanê zaf serkewteyan û operasyonanê şorişgêran bêmabên dewam bikera. Ma embazanê xo yê pêroyînan bi heskerdiş û rêzdarî selam kenê ke bi ruhê fedayî şer kenê.''