Fermandarîya Qerargehê Merkezê Pawitişî yê Şarî, serrgêra 18. ya Hemleya 1ê Hezîrane bi eşkerayîyêka nûştekîye pîroz kerde.

Eşkerayîya fermandarîye de nê ameyî parekerdene:

''Hemleya 1ê Hezîrane ke serkêşîya Gerîlayê Azadîye yê  Kurdîstanî de vera konseptê tasfîyekerdişî yê Komployê Mîyanneteweyî yo ke şexsê Rayber Apoyî de vera şarê Kurdîstanî ame kerdene, dîyaye destpêkerdene sere de Rayber Apo, keyeyanê ma yê erjayeyan ê şehîdan, heme şarê ma yê welatperwerî, merdimîyeya demokratîke û heme hemrayanê ma rê pîroz bo.

Heme şehîdê ma yê ke no proses bi kede û cehdêkê pîlî amade kerd û pratîk de bîyî serkêşê nê prosesî, Erdal, Şîlane, Vîyan, Adil, Nûda, Reşît, Huseyîn, Xebatan ra heta Azad, Berçeme, Delale, Atakan, Dogan, Kemal, Çetîn, Çîçeke, Zîne, Zekî Şingalî, Kasim Engîn, Egîd Civyan, Yilmaz Dilşêr, Nûjîne û Hewraman û heme hemrayê ma yê şehîdê ke bi qehremanîye tewrê kerwanê şehîdan bîyî, ma înan bi hurmet û minet bi vîr anê, ma soz danê ke ma do vîrameyîşanê înan têkoşînê azadîye yê Kurdîstanî de bidê ciwîyayene.

Hemleya 1ê Hezîrane ya ke têkoşînê azadîye yê şarê kurdî de wayîrê mîsyonê dîyinî yê Hemleya 15ê Tebaxe ya semedê prosesê azadîya şarê kurdî dewrêkê neweyî yê xoverdayîşî îfade kena. Dewrê xoverdayîşê neweyî ke 2004 de dest pêkerd hetêkî ra cewabê hêrişê qirkerdişê dewlata tirke ya ka hêzê mîyanneteweyî yê komplokerî paştî danê ci, yeno dayene,  hetê bînî ra bi paradîgmaya Rayberîya ma Kurîstan de komelo azad vejîyeno werte.

Çarçewa ruhê 1ê Hezîrene de Gerîlayê Azadîye yê Kurdîstanî koyan de têkoşîn keno û şar bajaran de bi xover dano. Bi yewbîyayîşê nê xoverdayîşî tarîxê Kurdsîtanî de 2007 û 2012 de merhaleyê muhîmî ameyî qewimîyayene. Dewleta tirke û prosesanê Oslo û Îmraliyî de mecbur mend ke masaya pêvînayîşan de ronişe. Rixmê nayî dewleta tirke ya ke polîtîkayê qirkerdiş û îmhayî canêverdayî nê prosesî sey merhaleyê taktîkê şerê taybetî şuxulnayî. Na çarçewe de 2015 ra nata şerê şorişgêrî yê şarî yeno kerdene ke çimeyê nayî yê îlhamî yo tewr pîl Hemleya 1ê Hezîrane ya.

Nika şarê ma bi  şîarê 'Wextê azadîye yo' yewna prosesê hemlekî ra ravêreno. Sere de Rayber Apo, zîndan, bajar, dîaspora, kampanê surgunî, koyan û her warê cuye de şarê xoverdayîş de yo. Gerîlayê Azadîye yê Kurdistanî zî bi perspektîfê şerê şarî kewt mîyanê xoverdayîşêkê tarîxkîyî.

Vizêr Garê de senî serkewtiş ame destfînayene ewro Avaşîn, Zap û Metîna de xoverdayîşê gerîlayan heme teorîyanê şerî ser û bin keno.  Gerîlayê Azadîye yê Kurdîstanî  xeta Hemleya 1ê Hezîrane de reyna ramojnenê ke gerîlayî bin nêkewno. Gerîlayo ke bi hemleyanê şorişgêran ê Bazanê Zagrosî û Xengê Xabûrî reyna serkewtişê xo fîna çiman ver, bi moral û coşê pîlî dewkewtişê serra 18. ya Hemleya 1ê Hezîrane de dest pê dewrê neweyî keno. Gerîlayê Azadîye yê Kurdîstanî qerardar o ke bi ruhê dewrê neweyî prosesî rê bibo cewab û rayraşîyayîşê xo yê ver bi serkewtişî bero sere.''