Fermandarîya Qerargehê Merkezê Pawitişê Şarî (MPŞ) bi mesajêkî serkewtişê gerîlayanê ke Hemleya Şorişgêre ya Bazanê Zagrosî û Hemleya Şorişgêre ya Şehîd Savaş Maraşî de cagirewto, pîroz kerd.

Mesajê fermandarîye de ca dîya nînan: ''26ê gulane çarçeweya Hemleya Şorişgêre ya Bazanê Zagrosî de Warê Xoverdayîşî yê Werxelê yê Avaşînî de çalakîya serkewtîye ameye kerdene. Reyna 28ê gulane de Warê Xoverdayîşî yê Şehîd Şahînî yê eyaletê Zapî de vera îşxalkeranê ke cehd kerd debikewê mewzîyanê şerî yê Şehîd Berxwedanî hetê tîmanê qesasî yê Şehîde Vîyane Botan ra ameyî pirodayene. Badê na çalakîya ke serkêşîya hêzanê ma yê YJA Starîra ameye kerdene, gama ke dişmen waşt cenazayanê xo bîgêro zî bi taktîkanê zengînan ame pirodayene. Wird çalakîyan de zî dişmenî ser o çeke ame wedartene.

Waranê Xoverdayîşî yê Girê FM û Girê Cûdî de zî çarçewaya Hemleya Şorişgêre ya Şehîd Savaş Maraşî de vera artêşa tirke çalakîyî ameyî kerdene. 27ê gulane de Girê Cûdî de gama ke pê helîkopteranê tîpê skorsyan qil Şehîd Leşkerî de leşkerî ameyêne cakerdene, hetê Tîmanê Qesasî yê Şehîd Aryana Baran ra ameye pirodayene. Helîkoptero ke derba girane werde hema ke nêresa qereqolê Girê pîya bi êyê ke tede ame îmhakerdene. Na çalakîye reyna hêzê hêzanê ma yê YJA Starî ramojna. Waranê Xoverdayîşî yê Girê FM û Girê Cûdî de dişmen rixmê heme îmkananê xo yê teknîkan vera tîmanê ma yê profesyonalan bêçare mend.

Seba ke Hemleya Şorişgêre ya Bazanê Zagrosî û Hemleya Şorişgêre ya Şehîd Savaş Maraşî de çalakîyê serkewteyî kerdî ma heme hemrayanê xo yê ke keda înan tede est a, pîroz kenê  û fermandar û şerwanê ke çarçewaya nê wird hemleyan têkoşîn xurt kerd ma înan selam kenê û dewamê serkewtişê înan wazenê.''