Walîtîya Mûşî pêhesna ke heme aktîvîte û çalakîyê ke teberê aktîvîteyanê sazîyanê fermîyan de manenê, mabênê tarîxê 20’ê Êlule û 4’ê Teşrîna Verêne de ameyê qedexekerdene. Hetê bînî ra Riha de zî seba 15 rojan qedexeyê çalakîyan ame îlankerdene.
Walîtîya Mûşî, mabênê tarîxê 20’ê Êlule û 4’ê Teşrîna Verêne de teberê aktîvîteyê kombîyayîş, merasîm, şayî, pêşwazî, akerdişê standî û oxirkerdişî yê ke do hetê sazîyanê fermî yê umûmîyan ra bêrê kerdene, pêro çalakî û aktîvîteyî qedexe kerdî.
Hetê bînî ra Walîtîya Riha de pêhesna ke teberê aktîvîteyanê fermîyan de mabênê tarîxê 20’ê Êlule û 5’ê Teşrîna Verêne de heme çalakî û aktîvîteyî ameyê qedexekerdene.
