Vizêr şewe muxabîrê ANFyî Rêbaz Hesen semedê amadekerdişê xebera derheqê rayraşîyayîşê vera îşxalî Silêmanî de amade bi. Labelê Rêbaz Hesen hetê Hêzanê Asayîşî yê YNKyî ra ame destbendkerdene.

Nêzanîyeno ke Rêbaz Hesen kamca de tepişîyeno. Rêbaz Hesenî ra xeberêke nêna girewtene.

Îdareyê ANFyî waşt cade Rêbaz Hesen bêro veradayene û vat: ''Ganî rojnamegerî nêrê astengkerdene.''

Îdareyê ANFyî venga selahîyetdaranê Herêma Kurdîstanî da ke îmkanê caardişê rojnamegerîye wa bêrê peydakerdene û vat: ''Nêno qebulkerdene ke rojnamegerêk serê karê xo de bêro destbendkerdene.''

Şarê Silêmanî vizêr waşt rayberîya Têgêrayîşê Azadîye de hêrişanê dewleta tirke yê vera Zap, Metîna û Avaşînî şermezar bikerê. Labelê Asayîşê Silêmanî destûr nêda û Endama Komîteya Îdareyî ya Têgêrayîşê Azadîye Nerîmane Ehmed zî tede 25-30 kesî destbend kerdî.