Meclîsê Xoserî yê Demokratîkî yê Şingalî (MXDŞ) Mûsil de cakerdişê keyeyanê DAÎŞî ser o eşkerayîyêka nuştekîye daye.

MXDŞyî eşkerayîye de ard ziwan ke DAÎŞî 2014 de hêverî hêrişê Mûsilî kerd û coka Mûsil seke çimeyê cerganê DAÎŞî yo. Eşkerayîye wina dewam kena:

''Ewro keyeyê DAÎŞî bêtedbîran Mûsil de yenê cakerdene û coka herême de gefêk vejîyeno werte. Ganî Wezaretê Koçî, Hukmatê Iraqî û Neteweyê Yewbîyayeyî (NY) na babete de zêdêr baldar bibîyêne. Çunke nê keyeyî aramîya herême visnenê binê tehlukeyî.

Îdareyo Xoser ê Şingalî dûştê agêrayîşê keyeyan nîyo la ma dûştê ê kesan ê ke paştî daye DAÎŞî û qirkerdişê êzidîyan de bara înan esta. Ganî nê merdimî verî bêrê muhakemekerdene. Heta nika nêzdîyê 150 keyeyî agêrayî. Ma venga rayaumûmîye danê ke vera rewşe bêveng nêmana. Ma venga Wezaretê Koçî û NYyî danê ke heta ke tedbîrî nêrê girewtene wa keyeyê DAÎŞî anêgêrê herême.

100 keyeyê DAÎŞî yê Kampa Holî 24ê gulane de hukmatê Iraqî rê ameyî teslîmkerdene. Hukmatê Iraqî nê keyeyan Kampa Cedaa de ca keno. Goreyê doneyanê ma hûmara keyeyan 150 a la Wezaretê Koçî vano hûmara nînan 94 a.''