Meclîsê Xoserîya Demokratîke ya Şingalî (MXDŞ) derheqê hêrişê vizêrînî yê vera Meclîsê Şarî yê Sinûnî de eşkerayîyêke daye û nê pare kerdî:

''Vera Şingalî hêrişê dewleta tirke hemkarê ci bi armancê çinkerdişê îrade û destkewteyanê şarî dewam kenê. Netîce hêrişê dewleta tirke ya îşxalkere yê vera Meclîsê Şarî yê Sinûnî de domanê bi nameyê Selah Nasiro 12 serre şehîd bi û 7 kesî zî birîndar bîyî ke nînan ra tewşa tay tenan giran a.

Dewleta tirke ya qirkere bi hemkarîya PDKy, hukmat û artêşa Iraqî şarê Şingalî rê teda û zorbazîye kena. Seba ke nê nêresayî armancê xo raşta raşte hêrişê Şingalî kerd. Meclîsê Şarî yê Sinûnî tena xizmetê şarî kerdêne û sewbîna yew xebata ci çin a.

Nê wextê peyênî de PDK zaf reyî xîret keno ke Şingal de kaos vejo, Şingalî veng bikero û şarî Îdareyê Xoserî ra dûrî bikero. Bi nê hawayî PDK xîret keno ke Peymana 9ê Teşrîna Verêne bîyaro ca. Senaryoyê nê hêrişî zî hetê PDKyî ra ame amadekerdene. Dezgehê îstîxbaratî yê PDKyî Parastin û MÎT Hewlêr de roniştî û înan pîya vera Şingalî tay planî kerdî. Hêrişî ra dima zî senaryoyê înan dewam keno. Tay kesanê ke xo roto, xîret kerd ke provakasyonî bikerê û komelê ma bidê pêkewtene. Nê kesayetê ke xo sey mesuldaranê êzidîyan vînenê la pabesteyê PDKyî yê, hêrişê vera sivîlan meşrû kenê û xîret kenê ke verê hêrişanê neweyan abikerê.

Heta nika nê provakasyonî ser nêkewtî. La ganî şarê ma hişyar bibo û bizano ke sebebê nê hêrişan sere de PDK hemkarê dewleta tirke yê. Ma venga şarê xo, serekanê eşîran, risîpî, roşnvîr, ciwan û beşanê komelî danê ke rayîr nêdê kayanê serê komelî. Ma pêro dinya rê dîyar kenê ke xoverdayîş û têkoşînê ma do heta Şingalêko azad û xoser awan bibo dewam bikerê. Îradeyê ma pêro hêrişanê dişmenî ra bihêzêr o.

Kesê ke hemkarîya MÎT û PDKyî kenê mesuldarê verênî yê rijîyayîşê gonîya domananê êzidîyan ê. Ganî şarê ma nê kesan mîyanê xo de meverdê.''