Namzedîya namzeda hemserekîya şaredarîya Partîya Şaran a Demokratîke (HDP) ya Çewlîgî Hatîce Kavrane ameyebî redkerdene. HDP’yî herinda Kavrane de Senem Çakase sey namzede da ramojnayene.

HDP’yî semedê hemserekîya Şaredarîya Çewlîgî namzedê xo sey berpirsîyarê karê teberî û hemsereko hetkar ê HDP‘yî Hîşyar Ozsoy û Hatîce Kavrane eşkera kerdbî. Bi sebebo ke namzedîya Kavarane ameye redkerdene  herinda ci de Çakase ameye cakerdene. Yeno pawitene ke HDP bi kombîyayîşekê nasdayîşî namzedîya Çakase bide eşnawitene.