Namzedê hemşaredarîye yê HDP’yî yê şaredarîya Çêrmûge Makbûle Çakine û Mûharrem Şahîn şarî dir ameyî têhet. Şar Germawe (Kaplica) de şi vernîya parlamenteranê HDP’yî Remzîye Tosûne, Semra Guzele, namzedê HDP’yî yê hemşaredarîye yê şaredarîya bajarê girdî ya Amedî Selçûk Mizrakli û Hulya Alokmen Ûyanike. Şarî merkezê qeza de bi slogananê ‘Amed ê ma yo’ û ‘Çêrmûge ya ma ya’ namzedî silam kerdî.

Namzedê hemşaredarîye yê HDP’yî yê şaredarîya Çêrmûge Mûharrem Şahînî vernîya awanîya bajarî ya HDP’yî de qisey kerd û vat ê do 31’ê Adare de bi ser bikewê.

Namzedê HDP’yî yê hemşaredarî yê şaredarîya bajarê girdî yê Amedî Selçûk Mizrakliyî zî vat ke Leyla Guvene 87 rojî yo ke grevê vêşanîye de ya û her kesê ke wayîrê wijdanî yê ganî nê xoverdayîşî zerrîya xo de hîs bikerê.

Parlamenter û namzedê hemşaredarîye dima ra şîyî qezaya Pîranî.