Namzedîya namzeda hemserekîya şaredarîya Partîya Şaran a Demokratîke (HDP) ya qezaya Depî ya Xarpêtî Serap Dogan Mutlu hetê Heyetê Weçînitişî yê Qeza ra bi qerarê qetî ameye redkerdene.

Heyetê Weçînitişî yê Qeza dewayêka Mutlu ke cuwa ver ameya muhamekerdene sey sebeb ramote û namzedîya ci red kerde. Serap Dogan Mutlu ard ziwan ke no qerar semedê aye çîyêk îfade nêkeno û va: Ez bi namzeda ma ya neweye, bi heme hêzê xo xebatanê weçînitişî do bidomnî. Ma ser o berpirsîyarîya tarîxîye esta. Ma do pero pîya bixebitê û qeyûmî tîya ra vejê.‘‘

Hetê bînî ra namzedîya namzedê Hêzê Yewîya Şorişgêre ya Dêrsimî ya  Qisle Ozkan Arslanî zî hetê heyetê weçînitişî ra ameyebî redkerdene.