Merkezê Îrtîbat û Çapemenîye yê HPG'yî derheqê şehdadetê di gerîlayê ke ca û tarîxanê cîya cîyayan de şehîd bîyî de zanayîş da û nê pare kerdî:

‘‘Ma eşkerayîya xo ya 19’ê Êlule de dabi pêhesnayene ke 16'ê Êlule de operasyonê artêşa Tirkî ya îşxalkare yê wareyê Şêx Hadî yê Bêdlîsî de embazêkê ma şehîd bîyo. Embazê ma yo ke şehîd bîyo Sîpan Tatvan o (Devrîm Akbay) o.Reyna 24'ê Êlule de nêtîceyê hêrişê hewayî yê artêşa Tirkî  ya îşxalkare ya herêma Dola Mezî ya qezaya Geverî ya Colemêrgî de hemraya ma Eylem Ozane (Mizgîn Ekîne) şehîd bîye. Sere de keyeyê ercayeyî yê hemrayanê ma Eyleme û  Sîpan ê  ke tewrê kerwanê şehîdan bîyî, ma hemeyê şarê Kurdistanî yê welatperwerî rê serweşîye wazenê û ma soz danê ke ma do xeyalê şehîdanê xo  bidê ciwîyayene.