2 şehîdê ke Şemzînan de çalakîya ke tede 2ê ci payeberzî 7 îşxalkerî ameybî cezakerdene de şehîd bîyî, HPGyî nasnameyê înan eşkera kerdî û vat: ''Ma sey hemrayanê înan xo bi şansî vînenê ke nê embazan reyde pîya têkoşîn kerdo.''
Merkezê Îrtîbatî û Çapemenîye yê HPGyî bi eşkerayîyêke nasnameyê 2 şehîdanê Şemzînanî eşkera kerdî.
Eşkerayîye wina ya:
''Dewleta tirke ya îşxalkere 18-19ê hezîrana 2022yî de qezaya Şemzînanî ya Colemêrgî de, vera herêmanê Derya û Hêrebanê operasyonê îşxalî dabi destpêkerdene. 18ê hezîrane de Dola Rêşanê de îşxalkerî hetê hêzanê ma ra ameyî pirodayene. Pêkewtişan heta 19ê hezîrane dewam kerd û 2ê ci payeberzî 7 îşxalkerî ameyî cezakerdene. Artêşa îşxalkere 19ê hezîrane de şewe pê wesayîtanê zirxînan kişteyê xo waran ra girewtî. Nê pêkewtişan de embazanê ma Zagros û Dilgeşî heta guleyê xo yê peyênî vera dişmenî şer kerd, şîyê serê dişmenî û seba ke esîr nêkewê xo ser de bomba teqnaye, tewrê çêranê bêmergan ê Kurdîstanî bîyî.
Nasnameyê embazanê ma yê şehîdan wina yê:
|
|
Nameyê Qodî: Zagros Senar Name û Peyname: Pervan Alî Yusuf Cayê Bîyayîşî: Efrîn Maye-Pî: Hayfe – Mehmet Alî Tarîx û Cayê Şehadetî: 19ê Hezîrana 2022yî / Gever |
|
|
Nameyê Qodî: Dilgeş Sine Name û Peyname: Lokman Felahî Cayê Bîyayîşî: Sîne Maye-Pî: Amîne – Mustafa Tarîx û Cayê Şehadetî: 19ê Hezîrana 2022yî / Gever |
Embaz Zagros Efrîn de dadîya xo ra beno. Cigêrayîşanê xo ra pey 2008 de embaz Zagros Lubnanî ra tewrê gerîlayan beno. O 6 serran Zagrosan de maneno û tîya de vera dişmenî çalakîyanê serkewteyan keno. Nê 6 serran ra dima o Dibistana Merkeze ya Partîye de perwerde vîneno û serrêke Heftanîn de pratîk keno. Dima 2013 de reyna derbazê Eyaletê Xakurkê yê Zagrosan beno. 5 serran uca de fermandarîye keno û tîya de pê kesayetê xo beno mazharê heskerdişê embazanê xo. 2019 de embaz Zagros sey fermandarê herême derbazê Gever û Şemzînanî beno. Embaz Zagros tîya de vera dişmenî çalakîyanê afernayoxan rê serkêşîye keno û şarê ma hişmend keno. 19ê hezîrane de o heta guleyê xo yê peyênî şer keno û seba ke nêkewo destê dişmenî xo ser de bomba teqneno.
Embaz Dilgeş Sine de dadîya xo ra beno. Embaz Dilgeş 2018 de dima ke PKKyî şinasneno tewrê gerîlayan beno. Embaze Dilgeş perwerdeyan ra dima beno gerîlayêko marîfetîn. Embaz Dilgeş 2021 de waştişê xo ser o derbazê xeta Gever û Şemzînanî beno.
O tim keno ke vera dişmenî bi hawayêkê aktîfî şer bikero û xo aver bero. Operasyonanê îşxalî yê 18-19ê hezîrane de o embaz Zagrosî reyde derbanê giranan dano dişmenî ro û heta nefeseê xo yê peyênî şer keno. Embaz Dilgeş dima rayîrê Bêrîtane û Zîlane de xo ser de bomba teqneno û beno şehîd.
Keyeyê embazanê ma Zagros û Dilgeşî pê ewladanê xo çend sereberzî bibê zî kêm maneno. Ma sey hemrayanê înan xo bi şansî vînenê ke nê embazan reyde pîya têkoşîn kerdo. Ma sere de keyeyanê înan ê ercîyayeyan rê, pêro şarê welatperwerî yê Kurdîstanî rê serweşîye wazenê.''
