Merkezê Îrtbatî û Çapemenîye yê HPG'yî  derheqê 2 gerîlayanê ke  tarîxanê cîya cîyayan de Dêrsim de şehîd bîyî eşkerayîyêk dayê û nê pare kerdî:

‘‘16’ê Êlule de operasyonê artêşa Tirkî yê Dêrsimî de embazê ma Zagros Botan şehîd kewt.  Reyna ma eşkerayîya xo ya 12’ê Êlule de  zî dabi eşnawitene ke 27’ê Tebaxe de herêma Margeyîkî ya Dêrsimî de embazêkê ma operasyon de kewt. Embazê ma yo ke şehîd kewt  namayê ci Zana Med o. Ma sere de keyeyê embazanê ma yê ke şehîd bîyê, heme şarê Kurdistanî yê welatperwerî rê serweşîye wazenê û ma soz danê ke ma do ercê ke embazanê ma bi keda xo vetê werte rê wayîr vejîyê, beyraqa şorişî ya ke înan ma rê emanet kerda berz bikerê û bi adirê qesasî raywanîya xo bidomnê.”

Nasnameyê gerîlayanê ke şehîd bîyî wina yê:

Nameyê Qodî: Botan Zagros Name Peyname: Îbrahîm Tatli Cayê Bîyayîşî: Colemêrgê Maye-Pî: Ayşe – Yakup Tarîx û Cayê Şehadetî: 16‘ê  Êlule 2019 / Dêrsim

Nameyê Qodî: Zana Med Name Peyname: Abdullah Kaya Cayê Bîyayîşî: Amed Maye-Pî: Edîbe - Kadîr Tarîx û Cayê Şehadetî: 27‘ê  Tebaxe  2019 / Dêrsim