HPGyî nasnameyê 2 şehîdanê Zapî eşkera kerdî
HPGyî nasnameyê di şehîdanê Zapî eşkera kerdî û vat: ''Tewir, têkoşîn, şerwanî, çêrî û fedayîtîya wird embazanê ma tim do rayîr bimojnê ma û bibê sebebê qesas û serfîrazîye.''
Merkezê Îrtîbatî û Çapemenîye yê HPGyî nasnameyê di şehîdanê Zapî eşkera kerdî.
Eşkerayîye wina ya:
''Şarê Kurdîstanî bi Şerê Şarî yê Şorigêrî game bi game ver bi serfîrazîye şino. Dewleta tirke ya îşxalkere ya ke wazena serfîrazîya ma asteng bikera, reyna vera Kurdîstanî seferê îşxalî kerd. Vera hêrişanê peyênan ê dişmenî tewr zaf gerîlayanê YJA-Starî cewanê pîlî dayî. Westatîya taktîkan, cesareto pîl û perwerîya bi erjan û serfîrazîye ya YJA-Starî Zap de newe ra ameyî dîyene. YJA-Starî serkêşîya tîmanê hereketînan kena, rayîr nêdana derbanê dişmenî û tewirê çêrîye mojnena. Fermandaran û milîtananê ercîyayeyan ê YJA-Starî ra embazê ma Vîyane û Eyleme şehîd bîyî. Tewir, têkoşîn, şerwanî, çêrî û fedayîtîya wird embazanê ma tim do rayîr bimojnê ma û bibê sebebê qesas û serfîrazîye.
Nasnameyê embazanê ma yê şehîdan wina yê:
|
|
Nameyê Qodî: Vîyane Botan Name û Peyname: Sevîme Dayar Cayê Bîyayîşî: Şirnex Maye-Pî: Kanîa – Mustafa Tarîx û Cayê Şehadetî: Nîsana 2022yî / Zap |
|
|
Nameyê Qodî: Eyleme Ronî Name û Peyname: Dilvîne Ato Cayê Bîyayîşî: Kobanê Maye-Pî: Necla – Îbrahîm Tarîx û Cayê Şehadetî: Nîsana 2022yî / Zap |
Embaze Vîyane Cizîre de dadîya xo ra bîya. Embaze Vîyane 2014 de peyê xeyalê xo yê domanîye ra şîye û tewra gerîlayan bîye. Embaze Vîyane cade cuya gerîlatîye musaye û waranê sey Zap, Qendîl û Cûdîyî de mende. Embaze Vîyana ke perwera şehîdan û îdeolojîya Rayber Apoyî bîya, pê perwerdeyan xo kerd gerîlayêka YJA-Starî ya marîfetîne. Embaze Vîyane warê Zapî de vera dişmenî xeylêk çalakîyanê serkewteyan de ca girewt. 2021 de aye xeylêk çalakîyan rê zî fermandarîye kerde û verê îşxalî girewt. Embaze Vîyane wexto ke 14ê nîsane de dişmenî reyna hêrişê Zapî kerd, cade çeke girewte xo destî û hêrişê dişmenî pûç kerdî, Şehîd Şahîn kerd kelaya xoverdayîşî. Embaze Vîyana ke pê tewir û kesayetê xo fermandarêka mîsale bîya, şehadetê aye ma rê bi çimeyê moral û hêzî.
Embaze Eyleme Kobanê de dadîya xo ra bîya. Embaze Eyleme Xoverdayîşê Kobanê yê 2014î de partîya ma şinasnaye û 2017 de verê xo da koyanê azadan. Embaze Eyleme tewrbîyayîşê xo ra dî ke cuya azade koyanê Kurdîstanî de ya û bingeyê azadîya cinîyan de têgêraye. Embaze Eyleme pê kesayetê xo yê durust, kedkar, fedakar û sadeyî mazharê heskerdişê pêro embazanê xo bîye û mîyanê Îdeolojîya Azadîya Cinîyan de zî bîye milîtanêka serkêşe. Embaze Eyleme zî 14ê nîsane de embaze Vîyane reyde vera dişmenî mudaxeleyo verêne kerd û Girê Şehîd Şahînî de dişmen şikna. Embaze Eyleme alaya xoverdayîşî pê şehadetî dewrê ma kerde.
Ma sere de keyeyanê ercîyayeyan ê embazanê xo rê pêro şarê welatperwerî yê Kurdîstanî rê serweşîye wazenê.''
