Merkezê Îrtîbatî û Çapemenîye yê HPGyî nasnameyê 3 gerîlayanê ke Gever de şehîd bîyî eşkera kerdî. Eşkerayîye wina ya:

''Dewleta tirke ya îşxalkere serra 2015î ra nata bi hawayêkê giranî û bêmabênî hêrişanê qirkeran kena. Vera nê hêrişan gerîlayê azadîye yê Kurdîstanî pê tempoyêkê şerî û îradeyê tarîxî cewab dabê û her roje mojnenê ke armancê îşxalkeran têna xeyal ê. Embazê ma yê ke herêma Geverî de bîyî parçeyêkê girîngî yê xoverdayîşê rûmeyî û serkewtişî derbê giranî dayî dişmenî ro. Artêşa tirke ya îşxalkere  vera nê çalakîyan se sey her wextî dest pê şuxilnayîşê metodanê namerdan kerd. Menganê temmuze û tebaxe de bombardumanê dişmen û şerî de rayberanê rayraşîyayîşê ma yê serkewteyî ra embazî Rojda, Zan Vejîn û Serhat şehîd bîyî.

Nasnameyê embazanê ma yê şehîdan wina yê:

Nameyê Qodî: Rojda Cûdî Name û Peyname: Sîheme Şêx Kamber Cayê Bîyayîşî: Efrîn Maye-Pî: Lamîa-Asmen Tarîx û Cayê Şehadetî: 5ê Tebaxa 2021î / Gever

Nameyê Qodî: Serhat Tolhildan Name û Peyname: Vedat Demîr Cayê Bîyayîşî: Êlih Maye-Pî: Zekîye-Eşref Tarîx û Cayê Şehadetî: 5ê Tebaxa 2021î / Gever

Nameyê Qodî: Zana Vejîn Gever Name û Peyname. Zana Kiliçoglû Cayê Bîyayîşî: Colemêrg Maye-Pî: Gulsune-Nezîr Tarîx û Cayê Şehadetî: 5ê Tebaxa 2021î / Gever

Embaze Rojda Efrîn de dadîya xo ra bîya û dima ke PKK şinasna tewra gerîlayan bîye. Embaze Rojda felsefeya Rayber Apoyî ser o xo xorin kerd, seba famkerdişê perspektîfanê Rayber Apoyî tim xo perwerde kerd. Embaze Rojda dima kesayetê xo aver berd bîye fermandare û waranê tewr zehmetan de têkoşîn kerd. Embaze Rojda nê esasî ser o bîye şerwana fedayî ya Apogîre. Embaze Rojda herêma Geverî de tewirê xo ra qetî tawîz nêda û cewabê xurtî dayî dişmenî.

Embaz Zana Vejîn Gever de dadîya xo ra bîyo û hema ciwanîya xo de tewrê xebatanê şorişî bi. Dima ke barbarî û hêrişanê dewleta faşîste reyde têrî mendo embaz Zana tewrê gerîlayan bi. Embaz Zana cade gerîlatîye musa, xora cewherê ey de şerwanîya Modernîteya Demokratîke estbîye. Embaze Zana tim zerrî ra girêdayeyê embazanê xo bi û tim pê kesayetê xo zî embazanê xo rê tesîr kerd. O pê taybetmendîyanê xo tim pê mesuldarî têgêra û pêro wezîfeyê xo ardî ca.

Embaz Serhat Êlih de dadîya xo ra bîyo la dima tedaya dewlete ra keyeyê ci koçê metropolanê Tirkîya kerd. Embaz Serhat 2013 de tewrê gerîlayan bi û pê taybetmendîyanê xo yê kedkar, fedakar û mesuldarî vernîya têkoşînî de ca girewt. Embaz Serhato ke tim pê tecrîdê Îmraliyî vera Rayberîye hêrs bîyêne vera cerganê DAÎŞî tewrê şer û çalakîyan bi. Embaz Serhatî qetî tewir û kesayetê xo ra tawîz nêda, embazanê xo rê bi mîsal û pêro erkê xo bêkêmasî ardî ca.

Ma sere de keyeyanê ercîyayeyan ê embazanê xo rê pêro şarê welatperwerî yê Kurdîstanî rê serweşîye wazenê. Armancê şehîdanê ma afernayîşê cayêkê weşêrî bi. Ma sozê xo dibare kenê ke armancê înan do bîyarê ca.''