Merkezê Îrtîbatî û Çapemenîye yê HPGyî nasnameyê 3 gerîlayan eşkera kerdî. Eşkerayîya HPGyî wina ya:

''Artêşa tirke ya îşxalkere 17 nîsane de vera Herêmanê Pawitişî yê Medya operasyonê îşxalkerdişî da destpêkerdene. Îşxalkerî raştê têkoşînê destankî yê gerîlayan ameyî. Bitaybetî waranê xoverdayîşî yê Çiyareş, Şikefta Birîndara, Karker, Kurêjahro û Werxelê de derbeyê pîlî werdî. Roja verêne de 32 îşxalkerî ameyî cezakerdene. Fermandaranê ma yê qehremanan ra embazê ma Şaristana ke serkêşîya xoverdayîşê destankî kerdêne Warê Xoverdayîşê Karker de û mîlîtananê jîhatî Navdar û Rêdûr zî warê Kurêjahroyî de tewrê kerwanê şehîdan bîyî.

Hemrayê ma yê ke şehîd bîyî nasnameyê înan wina yê

Nameyê Qodî: Şaristane Farqîn Name û Peyname: Semra Tekîn Cayê Bîyayîşî: Êlih Maye-Pî: Nîsbete-Mehmet Salîh Tarîx û Cayê Şehadetî: 17ê Nîsana 2022yî /Zap

Nameyê Qodî: Navdar Mazî Name û Peyname: Burhan Demîr Cayê Bîyayîşî: Amed Maye-Pî: Hayriye-Cemîl Tarîx û Cayê Şehadetî: 17ê Nîsana 2022yî /Zap

Nameyê Qodî: Rêdûr Kobanê Name û Peyname: Ferhat Ahmet Cayê Bîyayîşî: Kobanê Maye-Pî: Xalîse-Emer Tarîx û Cayê Şehadetî: 17ê Nîsana 2022yî /Zap

Hemraya ma Şaristane Êlih de keyeyêko şehîd û tewrbîyayoxê ci yê Têkoşînê Azadîye yê Kurdîstanî est ê, de ameya dinya û seba ke keyeyê ci welatperwer o têgêrayîşê azadîye nêzdî ra nas kerdo. Coka rewî ra dest pê xebatanê şoroşî kerdo û verî mîyanê xebata ciwanan de cayê xo girewto. Hemraya Şaristane bado ke nê xebatan de rolo pîl kay kerd û wezîfeyê xo ardî ca 2009 de tewrê sefanê gerîlayan bîya. Roja verêne ya tewrbîyayîşî ra her hela xo semedê famkerdişê felsefeya Rayberîye xerc kerda. Bado ke Xinêrê de perwerdeyo bingeyî yê gerîlatîye girewto ravêra Heftanîn. 2016 de ra nata Xakurkê û Avaşîn de sey fermandara serkêşe wezîfe girewto. Bado ke tecrubeyê leşkerî kerdî pêser sey fermendara YJA Starî heme wezîfeyê xo bi serkewtiş ardî ca. Îşxalê 17ê nîsane de warê Karkerî yê Zapî de serkêşîya xoverdayîşî kerde ke tîya derbeyê pîlî dîyayî dişmenî ro.

Hemrayê ma Navdar bajarê serhildanan Amed de ameyo dinya û keyeyêkê welatperwerî de bîyo pîl. Wextêk xebatanê ciwanîye de ca girewto û komel û ciwanan rê serkêşîye kerda. Rîyê xebatanê xo ra zaf rey ameyo destbendkerdene. 2014 de Amed de tewrê sefanê Gerîlayanê Azadîye yê Kurdsîtanî bîyo. Hemrayê ma ke demo kilm de gamê pêtî eştî bîyo gerîlayêko serkewte. Demê hêrişê çeteyanê DAÎŞî de semedê pawitişê şarê êzidîyan verê xo dayo Şingal û tîya destkewtişê serkewtişî de bîyo wayîrê keda pîle. Hemrayê ma Navdarî tewr peynî de warê Kurêjahroyî yê herêma Zapî de pratîk rayra berdêne û tîya vera hêrişê îşxalî yê 17ê nîsane de tewrê çalakîyan serkewteyan bi.''

Hemrayê ma Rêdûr Kobanê de ameyo dinya û seba ke keyeyê ci welatperwer bi binê tesîrê têgêrayîşê azadîye de mendo. Badê Şorişê Azadîye yê Rojawanî seba ke destkewteyê şarê ci bibê mendê 2019 de tewrê sefanê gerîlayan bîyo. Bado ke perwedeyê îdeolojî û leşkerî girewt bîyo gerîlayêko serkewte. Xeylêk çalakîyanê ke derbeyê pîlî dîyayî dişmenî ro,  de sey fedayîyêkî ca girewto. 17ê nîsane de zî vera hêrişê îşxalî wezîfeyê xo yo tarîxî ardo ca. Prosesê ke PDKyî dişmenî reyde hemkarîye kerde de ey sey ciwanê ke Rojawanî semedê pawitişê Başûrê Kurdîstanî sey fedayîyî şer kerd û tewiro ke ganî heme ciwanê Kurdîstanî ramojnê, zelal ramojna.

Sere de keyeyê hemrayanê me  Şaristane, Navdar û Rêdûr ê ke bi têkoşînê xo yê pîlî bîyî mîjdanê serkewtişî, ma heme şarê welatperwerî yê Kurdîstanî rê serweşîye wazenê.''