Merkezê Îrtîbatî û Çapemenîye yê HPGyî  eşkerayîyêka nuştekîye daye û nê parî kerdî:

''15ê nîsane de qezaya Çelê ya Colemêrgî de hêzanê ma yê Pawitişê Hewayî yê Şehîde Delale  çarçewa Hemleya ''Dem Demê Azadîye yo'' de vera Qereqolê Qirê çalakîyêka serkewtîye kerde. Çalakîya ke bi wesayîtanê hewayî yê bombabarkerdeyan ameye kerdene hedef biîsabet ame pirodayene.''

25ê êluLa 2020î de hêrişê hewayî yê vera Herêmanê Pawitişî yê Medya de hîrê embazê ma şehîd bîyî.

Nameyê Qodî: Gulane Hêmîn

Name û Peyname: Zîlane Gok

Cayê Bîyayîşî:Mûş

Maye-Pî: Gulazere - Abdulmenaf

Tarîx û Cayê Şehadetî: 25ê Êlula 2020î/ Herêmê Pawitişî yê Medya

 

Nameyê Qodî: Mizgîne Cigerxwîn

Name û Peyname: Şehnaze Okşaman

Cayê Bîyayîşî: Amed

Maye-Pî: Emîne - Metîn

Tarîx û Cayê Şehadetî: 25ê Êlula 2020î/ Herêmê Pawitişî yê Medya

 

Nameyê Qodî: Sozdare Faraşîn

Name û Peyname: Emele Bor

Cayê Bîyayîşî: Wan

Maye-Pî: Bahîye - Yusuf

Tarîx û Cayê Şehadetî: 25ê Êlula 2020î/ Herêmê Pawitişî yê Medya

Embaza ma Gulane qezaya Milazgirî ya Serhadî ke bi welatperwerîya xo yena zanayene de ameye dinya û hema domanîye xo de Têgêrayîşê Azadîye yê Kurdîstanî nas kerd û binê tesîrê ci de mend. Embaze Gulane  vera polîtîkaya qirkerdişî ya dewleta tirke verê xo da koyanê Kurdîstanî û xo her roje newe ra aferna û bi  gamanê mehkeman ver bi bîyayîşê cinîya azade aver şîye.  Xeylêk cayan de xebatî rayra berdî, bi tecrubeyê gerîlayan o ke kerd pêser cehd kerdêne ke bibo fermanderêka serkewtîye ya YJA Starî. Embeze Gulana ke Zap, Avaşîn, Garê û Metîna de pratîk rayra berd yew rey birîndar bîye la badê weşbîyayîşî pirvazd agêraye serê wezîfeyê xo. Hemra Gulane bi tewrbîyayîş û vindertişê xo bîye mîlîtanêka serkewtîye ya YJA Starî.

Hemraya ma Mizgîna ke qezaya Ferqînî ya welatperwer a paytext Amedî de ameye dinya keyeyêkê kedkaro ke pabesteyê ercanê xo de bîye pîl. Hema ciwanîya xo de pêra kewt azadîye dima û xelisîyayîşê cinîya kurde û heme cinîyan Îdeolojîya Xelisnayîşê Cinîyan de dîye û tewrê sefanê gerîlayan bîye. Embazê Mîzgîne bi eşqê pîlî pabesteyê koyanê Kurdîstanî, têkoşînê azadîye û Rayber Apoyî bî. Demo kilm de bîye gerîlaya serkewtîye, Zap, Garê, Heftanîn û Metîna de falîyetê pratîkî rayra berdî û sey fermandara YJA Starî wextêk Merkezê Qerargehî yê YJA Starî de mend û wezîfeyê muhîmî bi serkewtişî ardî ca. Bi nasnameyê PAJKî resaye kesayetê cinîya azade. Embaza Mizgîne semedê hemrayanê ci do tim sey nimûne bo.

Embaza ma Sozdare keyeyêko welatperwer ê Wanî de ameya dinya. Hema di serre bî pîya bi dayîka ci ameye tepiştene û erzîyaye zîndan. Seba ke domanîya xo ra hêrişê deweleta tirke yê vera kurdan dîye pê kîn û hersê vera dişmenî bîye pîl.  Hemra Sozdara ke pê kulturê eşîrê Gewda yo ke verê dişmenî de milê xo çewtnêkeno bîye pîl seba ke dişmenî ra hesab biperso verê xo da koyanê azadan. Lazabeze cuya PKKyî rê adapte bîye û pratîk de cayê xo girewt. Her ca de hetê embazanê xo ra zaf ameynê heskerdene. Akademîya leşkerî de perwerde dî û bîye fermandara YJA Starî ke eşkayene gerîlatîya demê neweyî rê serkêşîye bikera. Embaze Sozdare heta şehadetê xo game pîlî eştî.

Ma sere de keyeyanê erjîyayeyan ê embazanê xo Gulane, Mizgîne û Sozdare heme şarê welatperwerî yê Kurdîstanî rê serweşîye wazenê. Ma soz danê ke waştişê Kurdîstanê Azadî û  Rayberê Azadî yo ke rengê cinîya azade de yo, ma do bîyarê ca û qesasê embazanê xo bîgêrê.''