Merkezê Îrtîbat û Çapemenîye yê HPG’yî  bi eşkerayîyêk nasnameyê 2 gerîlaynê ke qezaya Perwerî ya Sêrtî  de şehîd bîyî eşkera kerdî û merdimanê înan û şarê Kurdistanî rê serweşîye waşte.

HPG’yî vist vîrî ke înan eşkerayîya xo ya 5’ê Teşrîna Verêne de dabi eşnawitene ke artêşa Tirkî ya îşxalkarê 29’ê Êlule de dormeyê dewa Şûxa ya qezaya Perwarî ya Sêrtî de operasyon dabi destpêkerdene û va nê operasyonî de 2 gerîlayîşî şehîd bîyî hayîdarîyê nasnameyanê înan eşkera kerdî:

Heftanîn de 2 Leşkerî Ameyî Kiştene

Eşkerayîye de ame vatene ke  çarçeweya Hemleya Şorişgêre ya  Cengê Heftanînî de 12’ê Teşrîna Verêne de mitntiqaya Şehîd Şêxmûsî  yê Heftanînî de çalakîyêk ameye viraştene, 2 leşkerî ameyî kitşene. Heman rojê Qilê Xantûrî yê Heftanînî herême bombavarankerdene. La vînîbîyayeyê gerîlayan çîn ê.

Wan de 2 Gerîlayî Şehîd Bîyî

HPG’yî da zanayene ke dewa Tuzekî ya qezaya Payîzava ya Wanî de operasyonê artêşa Tirkî yo ke 10’ê Teşrîna Verêne de ame destpêkerdene de xeylî leşkerî ameyî kiştene û 2 gerîlayî şehîd kewtî. Hayîdarîye nasnameyê nê gerîlayan do pey ra berê parekerdene.