Ewladê qehremanî yê kurdan sey çemî herikîyenî dişmenî ser. Nînan ra yew zî gerîla Şoreş Tetwan (Adem Çelebî) o. Şoreş neferêkê têgêrayîşê azadîye bi, bi hewayêkê qehremankî xo ver da û tewrê karwanê şehîdan bi.

Ma wextêk hîkayeya şehîd Şoreşî fekê embazêkê ci yê têkoşînî ra goşdarî kerdbi. Embazî vatêne ê do qetî dişmenî ra nêtersenê û ê bi xo dişmenî rê benê tersêk. Embazê Şoreşî wina qiseykerdişê xo rê dewam kerd:

''Embaz Şoreş rixmê ciwanîya xo mîsyonê rayberîye fam kerdbi. Kelecanê ci o ardêne zerrîya koyanê Kurdîstanî. Ey Rayberîye û embazanê xo rê girêdaye  têkoşîn kerdêne.

Rayêke ma sey komêka qije warêkê Garzanî ra şîyêne warêkê bînî. O rayîrî de zaf baldar bibi, ey detayêko qijkek zî dîyêne. Embazêko ke newe tewrê ma bibi nêeşkayêne şoro. Wexto ke nê embazî vat o qefilîyayo embaz Şoreşî tira vat 'Embaz tay îdare bikere, dima ma do biresê cayê xo.' Çanteyê ê embazî o kirişt. O zî hema mîyanê gerîlayan de newe bi. La embaz Şoreş musa ke ganî merdim verî ke zerrîya embazanê xo bişikno hetkarîya ci bikero. Na nîşaneya gerîlayan bîye. Bîyayîşê PKKyîjî famkerdişê merdiman o. Bi nê hawayî pê moralî ma resayî cayê xo. ''

Şoreş bi nê hawayî mîyanê gerîlayan de pîl beno û aver şino. O her çalakîye de tewr vernî de ca gêno, pê zerrîwazî tewrê koma hêrişî beno. O çêr û fedakar o. Tewr peyên 31ê gulana 2020î de pa di embazanê xo embaz Şoreş şehîd beno. Şoreşî sey nameyê xo alaya şorişî hem pê cuya xo hem zî pê şehadetê xo teslîmê teqîbkerdoxanê xo kerd.