Qezaya Surucî ya Riha de 14ê hezîrana 2018î de pawitoxan û merdimanê Wekîlê AKPyî Îbrahîm Halîl Yildizî Haci Esvet Şenyaşar, lajê ci Celal û Adîl Şenyaşar qetil kerdbi. Hêriş de birayê Îbrahîm Yildizî zî merdbi. Roniştişê 2. yê dewa ame kerdene.

Dewa Mehkemeya Cezaya Girane ya Meletî de ameye kerdene. Emîne Şenyaşar, Hetkarê Hemserekîya Pêroyî ya HDPyî avûkat Umît Dede, baroyê Wan, Dîlok, Amed û Riha, avûkatê Şubeyê Amedî yê OHDyî tewrê roniştişî bîyî.

Destûr nêame dayene ke Wekîlê HDPyî Ayşe Surucu, Omer Farûk Gergerlîoglu û Hemserekê HDPyî yê Riha Mîkaîl Gozek debikewê bînaya mehekeme.

Fadil Şenyaşar û Enver Yildiz pê rayîrê SEGBÎSî tewrê roniştişî bîyî, 11 versûcê bînî zî salone de bîyî.

Wekîl Gergerlîogluyî vat: ''Ma serekê komîsyonê edaletî yê Edlîye rê gerreyê bira mehkeme kerd.''