Çewlîg bi tewrbîyayîşê hezaran kesan Newroze ameye pîrozkerdene û mesajê pîlkerdişê xoverdayîşî ameyî dayene.

Şayîya ke pê rêzgirewişî dest pê kerde verî hunermende Pinare Aydinlar vejîyaye sehneyî ser. Ayndinlare grevê vêşanîye yê vera tecrîdê Îmraliyî ke roja 114. de dewam kena, selam kerd.

Dima ra Parlamenterê HDPyî yê Çewlîgî Erdal Aydemîrî şarê Çewlîgî sey 'Tornê Kawayê Asinkarî 'selam kerd. Aydemîrî vera dewaya vera HDPyî nêrazîbîyayîş ramojna û vat:  ''Ê eşkenê berê HDPyî biqefilnê la nêeşkenê îradeyê 6 mîlyonan, ruh û qelbê înan biqefilnê. Mucadeleyê ma yê vera hukmatê Erdogan û Bahçelîyê ke roja ma de Dehaqan temsîl kenê do dewam bikero.''

Parlamentera HDPyî ya Îstanbulî Huda Kaya zî ard ziwan ke hukmatê AKPyî sey janêk şarî nêweş keno û vat: ''Hukmatê AKPyî sînoran bêehleqîye de sînoran nas nêkeno. Xirabîye wextê înan de bîye rêxistinkede. Ez Îdrîs Balukeno sînayeyî yo ke herra Çewlîgî ra vejîyayo û cinîyê ke zîndanan de yê selam kena.''

Kaya vera hêrişê vera partîya ci de hersê xo ard ziwan û vat: ''Ma reyna meydanê Çewlîgî ra înan ra cil wazenê, vejê meydan. Ma eştî zîndanan, îdam kerdî. Ma pê kursîyanê îdamî huyayî ma verê zaliman de milê xo çewt nêkenê. Ma do haştîye û edaletî bîyarê.''

Badê qiseykerdişan adirê Newroze ame tafînayene û pê deyîranê Azad Bedranî govende ameye girewtene.