Dêrsimijan Meydanê Seyîd Rizayî de Newroze fîraz kerde. Wekîlê HDPyî Alîcan Onlu, temsîlkarê EMEP û ESPyî, Şaredarê Dêrsimî F. Mehmet Maçoglu zî tewrê Newroze bîyî. Çewlîg, Xarpêt, Depe û Erzînganî ra zî xeylêk merdimî seba şayîye ameyî Dêrsim.

Şaredar Maçogluyî, Hetkara Hemserekanê ESPyî Beycane Taşkiran û Hetkara EMEPî Selma Gurkan ard ziwan ke ê do vera hêrişanê îqtîdarê AKP-MHPyî pîya sey tornanê Seyîd Rizayî têkoşîn bikerê.

Alîcan Onluyî zî bale ante mektuba 2013î ya Abdullah Ocalanî ser û vat: ''Ê vengdayîşê Birêz Ocalanî ra dima Tirkîya de hêvîya haştîya şaran virazîyaye. La 2015î ra dima êyê ke gonîye wazenê ameyî serê HDPyî û hêzanê demokrasî.''

Onluyî grevê vêşanîye yê zîndanan, Mexmûrî vist vîrî û vat: ''Seba haştîya Tirkîya ganî cade tecrîd bêro wedaritene. ''