Amadekarîyê seba şayîya Newroze ya Qendîlî dewam kenê. Seba Newroza ke ewro do Qendîl de bêra fîrazkerdene, şar şewe ra herikîya warî. Ciwanî bi meşaleyan rayîr a şîyî.

Rayraşîyayîş de ciwanan sloganê sey ''Bijî Serok Apo'', "Jin jiyan azadî" û "Bijî Newroz" vatî, fîşekê hewayî eştî.

Şarî zî şewe ra verê xo da warê şayîye Koyê Qendîlî. Rixmê varayîşê zêdeyî zî nika ra warê şayîye pirr bi. Şarî war de govende girewte.

Çar parçeyanê Kurdîstanî û teberê welatî ra bi hezaran kurdîstanijî û dostê înan ê enternasyonalîstî do beşdarê Newroza Qendîlî bibê.