Gerîlayanê YJA-Starî Sîdare Baran û Hedare Rûbar ajansê ma rê qisey kerd û Roşanê Newroze yê şaranê Kurdîstanî û şaranê Rojhelatê Mîyanênî fîraz kerd.

Gerîlaya YJA-Starî Sîdare Baran vat: ''Ma bi coşê 8ê Adare Newroze pêşwazî kenê. Ma sere de yê Rayber Apoyî Newroza şarê ma û pêro şaran fîraz kenê. Ganî şarê ma weçînayîşan de îqtîdarê faşîstî bin bikero û raya xo bido. Şarê ma do bi wayîrvejîyayîşê îradeyê xo tecrîdî bişikno. Erdogan tim vano ke ê hê PKKyî qedînenê la koyan de xoverdayîşê ma bêmabên dewam keno.''

Gerîlaya YJA-Starî Hedare Rûbar vat: ''Ez şexsê şehîdanê Helebçe û şehîdê Newroze Mazlûm Doganî de pêro şehîdanê ma bi rêzî yad kena. Serkêşîya cinîyan de şarê ma waranê Newroze do bikero de. Adirê Newroze vera zulm û îşxalî do bêro tavistene. Ewro meşeleya azadîye her warî de destê şarê ma de ya û berz bena. 31ê adare de weçînayîşî est ê. Wa şarê ma qetî şoro sindoqan ser û îradeyê xo bimojno.''