Semedê paştîdayîşê hemsereka KCD’yî û parlamentera HDP’yî Leyla Guvena ke 99 rojî yo seba wedaritişê tecrîdê serê Rayberê Şarê Kurdî Abdullah Ocalanî grevê vêşanîye de ya, bi sloganê “ Roja 100‘ine de ma şinê cayê Leyla û  tecrîdî şiknenê” 15 merkezanê cîya-cîyayan ra û 7 hetan ra ver bi Amedî ame destpêkerdene. Hetê Nisêbîn de polîsan hêrişê çalakwanan kerd.

Parlameterê HDP’yî yê Şirnexî Hasan Ozguneş, Huseyîn Kaçmaz  Nûran Îmîre ke vizêr Şirnex ra kewtî rayîr bi parlamenteranê Mêrdînî Pero Dundar, Ebru Gunaye û Tuma Çelîk banê HDP’yî yê qeza de ameyî  têhet û waşt ke tîya ra ver bi Amedî şirê, polîsan ê girewtî binê abluka û qeymaqamê  û Mudurê Asayîşî yê Nisêbînî zî ameyî vernîya banê HDP’yî yê qeza. Parlamenteran rixmê abluqa waşt ke rayîr bikewe, polîsan hêrişê parlamenteran kerd.Polîsêk bi copî da parlameter Huseyîn Kaçmazî ro. Hêrişê polîsan de Pero Dundar zî birîndar bi.

.