Nobeta Demokrasîyî ya Amedî roja 47'ine de ya

  Nobeta Demokrasîyî ya Amedî verba xespkerdişê  îradeyî roja 47'ine de dewam kerde. Şarê Amedî qeyûmî şermezar kerdî û mesajê xoverdayîşî dayî.

Nobeta Demokrasîyî verba xespê qeyûmî roja 47'ine de dewam kerde. Wekîlê HDP'yî, Endamê Meclîsê Cinîyan û Ciwanan ê HDP'yî, Mayê Haştîye, aktîvîstê Têgêrayîşê Cinîyan ê Azadan (TJA) û  xeylî kesî tewrê çalakîya ke vernîya bînaya HDP'yî ya Cehdeyê Lîseyî de ameye viraştene, bîyî. Endamê Meclîs ê Egîtîm-Senî zî paştî daye çalakîye.

 'Têkoşînê Ma do Dewam Bike'

 Nobeta ke pê deyîr û sloganan dest pêkerde pê eşkerayîya çapemenîye dewam kerde.Sedat Doganî bi nameyê partîyanê Kurdî qisey kerd û vat: "Ma 47 roje ra nata seba heq û edalet tîya  yê. Eke ma biewnê tarîxê xo ma vînenê ke se serran ra no polîtîkayê qeyûman tim dewam kenê."

Sekretera Merkezî ya Cinîyan ê  Egitim-Senî Derya Yolcu zî wina vat: "Yew darbe de çi bibo ma pêro ê dîyî. La hînî qedîyeno. AKP teberî û zereyî de nêeşkeno yew polîtîkayê xo bixebitno. Her çiqas hêrişê verba heqanê demokratîkan bibê zî ma tîya yê. Ma xîret kenî ke heqê xo yê çalakîkerdiş o demokratîk bixebitnê. Ganî AKP biqedo û şoro." Nobete pê çalakîya roniştişî qedîyaye.