Goreyê zanayîşanê ke ameyî girewtene, rejîmê Enqere nobetê demokrasîyî yê Amedî û Wanî asteng kerdî û destûr nêda ke rojnamegerî wareyê çalakîyan rê bibê nêzdîye.

Polîsanê Tirkî grûba ke ameye pêser tehdît kerde û vat: "Eke şima mabênê panc deqayan de vila nêbê ma do hêrişê şima bikê." Kîtlê rixmê vernîgirewtişê polîsan dest bi rayraşîyayîşî kerd û waşt ke vernîya banê HDP'yî çalakîya roniştişî bikero. Polîsan bişîdet hêrişê kitleyî kerd xeylî kesî destbend kerdî xeylî zî birîndar kerdî.

Nê çalakîyî seba ke dimayê weçînayîşê 31'ê Adare 5'ê şaredarîyê HDP'yî yê ke 3'yê nînan şaredarîyê pîlî yê, hetê qeyûmanê dewleta Tirkî ra ameyî xespkerdene, yenê viraştene.