Fermandarîya Qerargehê Merkezê Pawitişê Şarî derheqê serrgêra 21. ya Komployê Mîyanneteweyî ya vera Rayberê Şarê Kurdî Abdullah Ocalanî de eşkerayîyêka nuştekîye weşanaye.

Eşkerayîye de nê çîyî ameyî parekerdene:

''Şexsê Rayber Apoyî de ke şarê kurdî qirkerdişanê pîlan ra xelisna û bi çimeyê îdolojîkî û felsefeya têkoşînê ma ma serrgêra 21. ya komployê mîyanneteweyî ya 15ê Sibate bi xurtî şermezar kenê. Ma selam danê Rayber Apo ke 15ê sibata 1999î ra nata vera sîstemê îşkenceyî û tecrîdê Îmraliyî xo ver dano.

Komployo Mîyanneteweyî yê 15ê sibata 1999î yo ke hetê komplogeran ra sey fermanê kurdan ame kerdene.  La no komplo bi xoverdayîşê şarê kurdî û Rayber Apoyî ame şiknayene. Rayberîya ma vera sîstemê îşkenceyî û tecrîdî paradîgmaya azadîye pêşkêşê şaranê Rojhelatê Mîyanênî û dinya kerd. Bi nê vînayîşî têgêrayîşê ma  vera komployê mîyanneteweyî têkoşîn berd astêka girînge.

Serrgêra 22. ya komployî de hînî şarê ma û gerîlayê azadîye yê Kurdîstanî tehamulê esaretê Rayber Apoyî nêkenê. Heta ke Rayber Apo azad nêbo ma nêeşkenê vajê ke komplo çin bîyo û şarê ma azad bîyo. Armanco verên ê gerîlayanê azadîye no yo ke dewirê têkoşînê neweyî de do seba qewimîyayîşanê tarîxîyan amade bibê.

Bi stratejî, tarz û taktîkê dewirê neweyî pêro gerîlayê HPGyî do seba ke komployê mîyanneteweyî pûç bikerê bi bawerî, qerardarî û bi ruhêkê fedayîyî wezîfeyanê xo bîyarê ca. Ma sey gerîlayan wazenê ke bale biance nê çîyî ser ke serrgêra 22. ya komployî de têkoşînê ma do bêro geşkerdene û seba çinkerdişê komployî ma do bi fedakarîyêka pîle wezîfe û berpirsîyaranê xo bîyarê ca.''