Onder amelîyatî ra vejîya, servîsê ciewnîyayîşê giranî de yo
Endamê Heyetê Îmraliyî yê DEM Partî Sirri Sureyya Onder amelîyatî ra vejîya û wedarîya servîsê ciewnîyayîşê giranî. Nêweşxaneyî da zanayene ke rewşa ey hema giran a.
Endamê Heyetê Îmraliyî û Serekwekîlê Meclîsî Sirri Sureyya Onder şewe krîzê qelbî vîyartbi û wedariyabi Nêweşxaneyê Florence Nightingale yê Şîşlî.
Onder tîya de gêrîya binê amelîyatî û amelîyat 12 saetan ra dima qedîya. Onder wedarîya servîsê ciewnîyayîşê giranî
Nêweşxaneyê Florence Nightingale yê Şîşlî derheqê rewşa Onderî de eşkerayîyêke daye. Nêweşxaneyî da zanayene ke rewşa Onderî giran a û cuya ey ser o hema zî tehluke est o.
