Wekîlê DEM Partî û Serekwekîlê Meclîsî Sirri Sureyya Ondero ke mîyanê heyetê pêvînayîşê bi Rayber Apoyî de bi, ajansê ma rê qisey kerd.

Onderî bale ante ser ke seba ke proses hesas o, ê bi hawayêkê bidetayî derheqê pêvînayîşî de agahîyan nêdanê çapemenîye. 

Onderî vat: ''Heta ke proses bireso kemalîyêka qîme, ma do agahîye nêdê çapemenîye. No nêno a mana ke ma çîyêkî nimnenê. Seba ke ma hûrmetê prosesî kenê wina têgêrenê. 

La eke ganî ma çîyêkî bîyarê ziwanî ez eşkena naye vaja ke ez goreyê pêvînayîşanê verênan hîna hêvîdar a. Dewr dewrê wayûbiratîye û haştîye yo. Serra newîye de ma do sey heyetî eşkerayîyêka hîra bidê.''