Gerîlayê Azadîye yê Kurdîstanî vera artêşa tirke ya îşxalkere operasyonanê xo yê şorişgêran rê bêmabên dewam kenê. Nê operasyonî serrgêra ronîyayîşê 45. ya PKKyî teşrîna peyêne de zêdîyayî û artêşa îşxalkere şok kerdî. Hetê bînî ra Fermandarîya Merkezê Pawitişê Şarî (MPŞ) 20ê adare de mijdana Newroze daye û pare kerd ke ''Gerîlayî hînî wayîrê ê îmkanan ê ke droneyanê çekdaran (SÎHA) yê artêşa tirke îmha bikerê. Hêzanê ma 15 droneyî wina war ardî.'' Gerîla TVyî dîmenê wardayîşê droneyan weşanayî.

Goreyê bîlançoya 2023yî ya ke MPŞyî eşkera kerdbî gerîlayan vera dişmenî 1712 çalakîyî kerdê û 7ê ci payeberz 928 îşxalkerî ceza kerdê. Teşrîna peyêne de zî 193 çalakîyî ameybî kerdene û 124 îşxalkerî ameybî cezakerdene.

Gerîlayan bi taybetî bi operasyonanê şorişgêran morê xo da binê xoverdayîşî. Gerîla TVyî heta nika dîmenê bi desan çalakîyan weşanayî.

Teşrîna peyêne ya heta ewroyî gerîlayanê azadîye yê Kurdîstanî nê operasyonê şorişgêrî kerdî:

Operasyono Şorişgêr ê Şehîde Leyla Sorxwîn Amed

26ê teşrîna peyêne ya 2023yî de Metîna de Operasyono Şorişgêr ê Şehîde Leyla Sorxwîn Amed ame kerdene. HPGyî derheqê operasyonî de wina vatbi: ''Operasyon de 18 îşxalkerî ameyî cezakerdene, serê 12 cenazayanê îşxalkeran ra dest nîya xeylêk çek û malzemeyanê leşkerîyan ser.''

Artêşa îşxalkere û medyaya şerê taybetî bîlançoya raştikêne nimite û tayê kişteyî eşkera kerdî. La dima HPGyî bi dîmenan da zanayane ke operasyon de leşkerê bi nameyê Samet Kulaç, Mustafa Akalp, Îsmaîl Yilmaz û Mucahît Gokyer ameyî cezakerdene, dest nîyayo çanteyanê înan ser û dewleta tirke mergê înan nimnayê.  

Operasyono Şorişgêr ê Şehîd Ahmed Rûbarî

22yê kanûna 2023yî de Xakurkê de gerîlayan no operasyon kerd. Goreyê eşkerayîya HPGyî operasyon de 27 îşxalkerî ameyî cezakerdene, gerîlayî şîyî serê cenazayanê 17 îşxalkeran, dest na çek û cebilxaneyan ser.

Metîna de zî bi hawayêkê koordîneyî çalakîyêka bîne ameye kerdene û tîya de zî 9 îşxalkerî ameyî cezakerdene. Dewleta tirke neçare mende qebul bikera ke nê operasyonî de leşkerê ci merdê.

Operasyono Şorişgêr ê Girê Amedîyê

HPGyî da zanayene ke gerîlayan 23yê kanûne de Zap de no operasyon kerdo û hîrê gerîlayî tîya de şehîd bîyê. Nê operasyonî ra aşmêke verê cû zî Warê Xoverdayîşî yê Girê Amedîyê de ancî gerîlayan Giranê Şehîd Cesur, Şehîde Cemre û Şehîd Pîrdoganî de dabi artêşa îşxalkere ro.

HPGyî pare kerdbi ke nê operasyonî de 49 îşxalkerî ameyê cezakerdene, 21 xeymî û 12 mewzîyî zî ameyê îmhakerdene.

Operasyono Şorişgêr ê Şehîde Melsa Mûşî

23yê kanûne de Kuro Jahro de no operasyon hîrê baskan ra ame kerdene. Operasyon de 18 îşxalkerî ameyî cezakerdene, 1 îşxalker birîndar bi, 6 mewzî, 4 xeymî, 1 kamelya û 1 kamereya mobese zî ameyî îmhakerdene.

Seba ke Gerîla TVyî dîmenê cezakerdişê leşkeran weşanabî dewleta tirke neçare mende ke nê operasyonî de di rojan de 12 leşkerê ci merdê.

 Operasyono Şorişgêr ê Şehîd Helmet Dêralukî

Gerîlayan 12ê çeleyê 2024î de Warê Xoverdayîşî yê Girê Amedîyê yê Herêma Şehîd Delîlî ya Rojawanê Zapî de no operasyon kerd. Nê operasyonî de îşxalkerî cayê xo ra bi temamî ameyî eştene. HPGyî pê hesna ke tîya de 61 îşxalkerî ameyî cezakerdene, gerîlayî şîyî cenazaya 20 leşkeran ser, dest nîya xeylêk çek û cebilxaneyan ser û xeylêk malzeme û çekê îşxalkeran zî ameyî îmhakerdene.

Artêşa tirke hêverî îdîa kerd ke nê operasyonî de 5 leşkerê ci merdê la dima îtîraf kerd ke 9 leşkerê ci merdê û 4 leşkerê ci zî birîndar bîyê.  

Operasyono Şorişgêr ê Şehîde Doga Vîyan

17ê sibate de gerîlayan Warê Xoverdayîşî yê Cûdîyî yê Herêma Şehîd Delîlî ya Rojawanê Zapî de no operasyon kerd. HPGyî da zanayene ke operasyon de yewê ci payeberz 37 leşkerî ameyê cezakerdene, dest nîyayo xeylêk çekan ser û gerîlayî şîyê cenazayanê îşxalkeran ser. Operasyon de 1 gerîla zî şehîd bi. 

Dîmananê operasyonî yê Gerîla TVyî de aseno ke operasyon de gerîlayan înîsîyatîf girewto xo destî, bi moral û coşî îşxalkerî mewzîyanê înan ra vetê. Operasyon de bi taybetî gerîlayanê YJA-Starî rolêko aktîf kay kerdo.

Operasyono Şorişgêr ê Şehîd Ciwan-Şehîd Andokî 

Arefetê Newroze de 19ê adare de gerîlayan Zap de no operasyon kerd. HPGyî da zanayene ke nê operasyonî de 41 îşxalkerî ameyê cezakerdene, xeylêk çek û cebilxaneyî ameyê destvistene û îmhakerdene. 

HPGyî derheqê operasyonî de nê agahîyî dayî: ''9ê adare de 09.25 de, Warê Xoverdayîşî yê Girê Amedîyê yê Herêma Şehîd Delîlî de vera hîrê baregehanê artêşa tirke ya îşxalkere Operasyono Şorişgêr ê Şehîd Ciwan-Şehîd Andokî ame kerdene. Operasyono Şorişgêrî bi teknîk û taktîkêkê taybetî, bi înîsîyatîfê hêzanê ma dîya destpêkerdene û hêverî Çehîde Cemre de îşxalkerî ameyî pirodayene. Tîya de 1 konteynir, 1 xeyme, 1 mewzî ameye îmhakerdene; 15 îşxalkerî ameyî cezakerdene û 9 îşxalkerî zî birîndar bîyî. Dima îşxalkerê Şehîde Cemre ancî ameyî pirodayene û 2 îşxalkerî ameyî cezakerdene, 1 îşxalker birîndar bi, 2 mewzî û 1 çeka bombaeştoxe ameyî îmhakerdene.

Şehîd Cesur de zî îşxalkerî çar baskan ra ameyî pirodayene. Tîya de bi temamî 24 îşxalkerî ameyî cezakerdene û 1 îşxalker birîndar bi. Hêzanê Operasyonê Şorişgêrî serê 7 cenazayan ra dest na çekêka roketeştoxe yê B7î, çekêka nêm-otomatîke ya BKC, gule û zîncîranê BKCyî, dûrbînêk, 1 hacetê noqtakerdişî, 1 sîstemê vengî, 1 lapik, 2 bataryayanê termalan û adaptoranê ci, 2 kamerayan ser. Hêzanê ma bi çeka B7î îşxalkerî hedef kerdî û panzerê înan derb kerd.''