Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

''Waranê Xoverdayîşî de çalakîyê bitesîrî yê hêzanê ma bêmabên dewam kenê. Hemrayê ma bi têkoşînê tarîxîyî destanan nusenê. Artêşa tirke ya îşxalkere waşt ver bi Warê Xoverdayîşî yê Girê Cûdîyî aver şiro. Hêzanê semedê qesasê qijanê kurdan ê ke dewleta tirke Bamernê û Şingal de qetil kerdî, Operasyonê Qesasî yê Şorişgêrî da destpêkerdene. Operasyono ke bi taktîkanê zenîgnan ame kerdene qet hemrayêkê ma zirar nêdî.  Çalakîyan de 57 îşxalkerî ameyî cezakerdene û dersêka tarîxîye dîyaye dewleta tirke. Girê Cûdîyî de hêrişê dewleta tirke û çalakîyê hêzanê ma dewam kenê. Reyna Waranê Xoverdayîşî yê Zap û Metîna de zî 5 îşxlakerî ameyî cezakerdene.

Hetê bînî ra Warê Xoverdayîşî 14 rey bi teyarayanê şerî, 26 rey bi helîkopteran û bi seyan rey bi obusan dîyayî bombayan ver. Eynî wextî de tunelê şerî 11 rey bi çekanê kîmyewîyan û teqaberan dîyayî bombayan ver. Detayê çalakîyan û hêrişan wina yê;

Zap

Dormeyê tunelanê şerî yê Şehîde Hewrê yê Warê Xoverdayîşî yê Şehîd Şahînî de 15ê hezîrane de îşxalkerî ameyî pirodayene û biney peyser ancîyayî. Eynî roje hêzanê ma yê YJA Starî Warê Xoverdayîşî yê Karkerî de çalakîya sûîkastî kerde, 3 îşxalkerî ameyî cezakerdene.

Metîna

Îşxalkerê ke baregehê Kanî Masî de yê 13 û 15ê hezîrane de hetê hêzanê ma ra ameyî pirodayene, îşxalkerêk ame cezakerdene. Warê Xoverdayîşî yê Girê Hakarî de 16ê hezirane de îşxalkerêk ame cezakerdene û îşxalkerî mecbur mendê gamêke peyser agêrê.

Gerîlayan venga îşxalkeran da ke wa teslîm bibê

 Warê xoverdayîşî yê girê Cûdîyî de 15ê hezirane de îşxalkeran yew kontra fîne verînîya xo waşt ver bi tunelanê şerî aver şirê. Nê îşxalkerî ginayî xapê  hêzanê ma ro û Operasyonê Qesasî yê Şorişgêrî dîya destpêkerdene.  Saetanê şanî de hêzanê ma venga îşxalkeran da ke wa teslîm bibê. Îşxalkerê ke remayêne pê çalakîya bi koordîne di hetan ra ameyî pirodayene. Tîya xeylêk îşxalkerî ameyî cezakerdene û hêzê ma şîyî 12 cenazayan ser. Dewleta tirke gama ke dî tîya îşxalkerî ameyî tesfîyekerdene warê ke cenazayê leşkeranê ci tede yê da bombayan ver. Îşxalkerê ke erazî de vila bîyî ê zî ameyî pirodayene û 5 îşxalkerî ameyî cezakerdene. Nê cenzayî binê kontrolê hêzanê ma de yê. Îşxalkeran saetanê şewe de Girê Cûdîyî da bombayan ver û Girê Şehîd Baran û Girê Şehîd Kendalî de pê helîkopteran leşkerî nayî ro. Saetanê vera sibayî de hêzanê ma yê YJA Starî Girê Cûdîyî de da îşxalkeran ro, 15 îşxalkerî ameyî cezakerdene. Çalakîyanê cîya cîyayan ê ke 16ê hezîrane de Girê Cûdîyî de ameyî kerdene de 25 îşxalkerî ameyî cezakerdene û xeylêk birîndar bîyî. Heta nika operasyonê Girê Cûdûyî de pêro pîya 57 îşxalkerî ameyî cezakerdene.

Bombarduman

Artêşa tirke ya îşxalkere 15 û 16ê hezîrane de tunelê şerî yê Şehîd Zemanî, Şehîd Akîfî yê  Warê Xoverdayîşî yê Girê Hakarî pê çekanê kîmyewîyan û teqaberan û Warê Xoverdayîşî yê Kurojahro, Werxelê, Girê Hakarî, Girê Ortê, Kunîşka, Şikefta Birîndara, Girê Cûdî, Qirrika Sinînê, Şehîd Heqî, Ava Lolanê, Girê Amediyê yê Xakurkê, warê Dêcit û dormeyê dewa Çemrabotkî yê Garê pê obus û teyarayanê şerî dayî bombayan ver.''