Heramanê Mizrag, Xosor, Hendiv, Xeşderê, Hamza û Saydamli yê qezaya Licê ya Amedî 14ê çeleyî de bi tewrbîyayîşê xeylêk yewîyanê leşkerî operasyon ame destpêkerdene.  Ame zanayene ke çarçeweya operasyonî de tayî nuqtayî ameyî bombardûmankerdene û herême de tayî keyeyî ameyî sereştene. Sereştişan de 2 kesî ameyî destbendkerdene. Operasyono ke di rojî ame domnayene vizêr saetanê şanî de qedîya.